சாக்லேட்டில் விஷத்தை தடவி… ஒரே மாதத்தில் 2 முறை கொல்ல முயற்சி… ஈகுவடார் அதிபர் பரபரப்பு குற்றசாட்டு…!!

தென் அமெரிக்கா நாடானா ஈகுவடாரில் அதிபர் டேனியல் நோகோவா தலைமையில் ஆட்சி நடந்து வருகிறது. இவருடைய பதவி காலம் விரைவில் முடியவுள்ள நிலையில் அடுத்த மாதம் 16ஆம் தேதி பாராளுமன்ற தேர்தல் நடைபெற உள்ளது. இதில் அவர் மீண்டும் போட்டியிடுவதால் நாடு முழுவதும் தேர்தல் பிரச்சாரத்தில் பங்கேற்று வருகிறார். அதன்படி சமீபத்தில் ஒரு நிகழ்ச்சியில் கலந்து  கொண்டார். அப்போது அன்பளிப்பாக அவருக்கு சாக்லேட் கொடுக்கப்பட்டது. அந்த சாக்லேட்டுகளை சோதனை செய்தபோது அதில் அதிக செறிவூட்டப்பட்ட நச்சுப்பொருட்கள் இருப்பது கண்டறியப்பட்டது.  இதுகுறித்து அவர் பேசுகையில், ” இந்த சம்பவம் தற்செயலான நிகழ்வு அல்ல. விஷ சாக்லேடுகள் கொடுத்து கொல்ல சதி நடப்பதாக குற்றச்சாட்டியுள்ளார்.

இது குறித்து அவருடைய பாதுகாப்புக்கு பொறுப்பான ராணுவம் விசாரணை நடத்தி வருகிறது. ஏற்கனவே எரிபொருள் விலை உயர்வால் அரசாங்கத்தை கண்டித்து இந்த மாதம் போராட்டம் நடைபெற்றது. அப்போது அதிபர் டேனியல்  சென்ற வாகனம் மீது போராட்டக்காரர்கள் கல் வீசி தாக்குதல் நடத்தினார்கள். அவருடைய வாகனத்தில் சில தோட்டாக்களும் கண்டுபிடிக்கப்பட்டது. ஆனால் அதிர்ஷ்டவசமாக உயிர் தப்பினார். இந்த தாக்குதல் அதிபரை கொல்ல முயற்சி என்று ராணுவ  மந்திரி கூறியுள்ளார். தற்போது ஒரே மாதத்தில் இரண்டாவது முறையாக அவரை கொலை செய்ய சதி நடப்பட்ட சம்பவம் ஈகுவடார் அரசியல் பெரும் பரபரப்பை ஏற்படுத்தியுள்ளது.