கொஞ்சம் கூட பயமே இல்லையா…? “போலீஸ் சப்-இன்ஸ்பெக்டரின் கழுத்தை நெரிக்க முயற்சி…” பால் பண்ணையை அகற்ற சென்ற போது அராஜகம்…. வைரலாகும் வீடியோ…!!

உத்தரப் பிரதேச மாநிலம் லக்னோவில் உள்ள பாரா பகுதிக்கு உட்பட்ட புத்தரேஷ்வரில், சட்டவிரோதமாக இயங்கி வந்த பால் பண்ணைகளுக்கு எதிராகக் காவல் துறை மற்றும் மாநகராட்சி அதிகாரிகள் இணைந்து அதிரடி நடவடிக்கை மேற்கொண்டனர். அப்போது அங்கிருந்த சட்டவிரோதப் பண்ணை உரிமையாளர்கள், சோதனையில் ஈடுபட்ட காவல் துறையினர் மீது திடீரென கொடூர தாக்குதலில் ஈடுபட்டனர்.

இந்த மோதலின் போது, தடுத்து நிறுத்த முயன்ற காவல் துறை சப்-இன்ஸ்பெக்டர் ஒருவரின் கழுத்தை நெரித்து கொலை செய்ய முயன்றது பெரும் அதிர்ச்சியை ஏற்படுத்தியுள்ளது. இச்சம்பவம் தொடர்பாக போலீசார் உடனடியாக நடவடிக்கை எடுத்து இரண்டு பெண்களைக் கைது செய்துள்ளதோடு, பண்ணையில் இருந்த கால்நடைகளைப் பறிமுதல் செய்து மாநகராட்சியின் பொறுப்பில் ஒப்படைத்தனர். தலைமறைவாக உள்ள மற்ற குற்றவாளிகளைப் போலீசார் தீவிரமாகத் தேடி வருகின்றனர்.