படத்துல லாஸ் ஆனா என்ன, புது பிசினஸில் கல்லாகட்டும் அட்லீ – பிரியா தம்பதி.. ஆரம்பிச்ச உடனே இவ்வளவு பெரிய வெற்றியா..?

ராஜா ராணி படத்தின் மூலமாக தமிழ் சினிமாவில் இயக்குனராக அறிமுகமானவர் அட்லீ. அடுத்தடுத்து விஜய் நடித்த தெறி, மெர்சல் , பிகில் ஆகிய படங்களை இயக்கினார். இந்த நான்கு படங்களுமே கிட் அடித்தது. இந்த வெற்றியை தொடர்ந்து பாலிவுட்டுக்கு சென்ற அட்லி அங்கு முதல் படமே ஷாருக்கானை வைத்து ஜவான் என்ற படத்தை இயக்கினார். இந்த படத்தில் நயன்தாராவும் நடித்திருந்தார். இந்த படம் பாக்ஸ் ஆபிஸில் ஆயிரம் கோடி வசூல் சாதனை செய்தது .

இதனை அடுத்து பாலிவுட் நடிகர் சல்மான் கானை வைத்து படம் எடுக்க இருக்கிறாராம். இது தவிர அங்கு பட தயாரிப்பிலும் பிசியாக இருக்கிறார். அதன்படி பேபி ஜான் என்ற திரைப்படத்தின் மூலமாக பாலிவுட்டில் தயாரிப்பாளராக என்ட்ரி கொடுத்தார். இந்த படத்தில் வருண் தவான் ஹீரோவாக நடித்தார். அவருக்கு ஜோடியாக கீர்த்தி சுரேஷ் நடித்தார். கீர்த்தி சுரேஷ்  பாலிவுட்டில் நடித்த முதல் திரைப்படம் இதுதான். இந்த திரைப்படம் கடந்த கிறிஸ்துமஸ் அன்று ரிலீஸ் ஆனது. இது விஜய் நடித்த தெறி படத்தின் ரீமேக். இந்த படம் படுதோல்வியை சந்தித்தது .

சுமார் 150 கோடி பட்ஜெட்டில் எடுக்கப்பட்ட இந்த படம் 100 கோடி கூட வசூலிக்கவில்லை. இதனால் அட்லிக்கு மிகப்பெரிய நஷ்டம் ஏற்பட்டதாக கூறப்படுகிறது. இப்படியான நிலையில் அட்லியும் அவருடைய மனைவி பிரியா இருவரும் இணைந்து பெங்களூரு ஜவாஸ் என்று அழைக்கப்படும் அணியை வாங்கியுள்ள நிலையில் விளையாட்டு அரங்கில் அதிரடியாக நுழைந்துள்ளன. பெங்களூரு ஜாவாஸ் அணியின் உரிமையாளரான இவர்கள் சினிமாவை தாண்டி இந்த தொழிலில் கலக்கி கொண்டிருக்கிறார்கள்.

இந்த நிலையில் நேற்று மும்பையில் உலக கால்பந்தாட்ட லீப் போட்டியில் அட்லி மற்றும் பிரியா தம்பதியின் பெங்களூரு ஜாவாஸ் ஹைதராபாத் சூப்பர் ஸ்டார் சனியை வீழ்த்தி வெற்றி பெற்றுள்ளது.  இந்த வெற்றியை தங்கள் அணியின் ஜெர்சியை அணிந்து கொண்டு பிரியாவும் அட்லியும் கொண்டாடியுள்ளனர். தொடர்பான புகைப்படங்கள் தற்போது இணையத்தில் வைரலாகி வரும் நிலையில் திரை பிரபலங்கள் மற்றும் ரசிகர்கள் உள்ளிட்ட பலரும் வாழ்த்து தெரிவித்து வருகிறார்கள்.