யாரும் எதிர்பார்க்காத ட்விஸ்ட்… மதுரை மாநாட்டை தொடர்ந்து விஜயின் அடுத்த அரசியல் மூவ்… தமிழ்நாடே அலறப்போகுது…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் நிலையில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. ஒரு பக்கம் முதல்வர் ஸ்டாலின் மீண்டும் திமுக ஆட்சியை தமிழகத்தில் அமைத்து விடலாம் என்ற நம்பிக்கையோடு கூட்டணியை பலப்படுத்தும் முயற்சியில் ஈடுபட்டு வருகின்றார். மறுபக்கம் பாஜகவுடன் கூட்டணி வைத்துள்ள அதிமுக இந்த முறை தங்கள் ஆட்சி தான் அமையும் என்ற நிலைப்பாடோடு உள்ளது.

இவர்களுக்கு நடுவே மக்களுக்கு புதிய விடியலை தரப்போகிறேன் என்று நடிகர் விஜய் களத்தில் இறங்கியுள்ளார். சமீபத்தில் TVK இரண்டாவது மாநில மாநாடு பிரம்மாண்டமாக நடைபெற்ற நிலையில் திமுக தான் தங்களுக்கு ஒரே எதிரி எனவும் விஜய் கூறியிருந்தார். தற்போது முழுமையாக விஜய் அரசியலில் களமிறங்கியுள்ள நிலையில் அடுத்தடுத்து காய் நகர்த்தி வருகிறார்.

இந்நிலையில் மதுரை மாநாட்டை தொடர்ந்து அரசியலில் தனது அடுத்த கட்ட நகர்வை விஜய் தொடங்க உள்ளார். வருகின்ற செப்டம்பர் 13ஆம் தேதி விஜய் மக்கள் சந்திப்பு பயணத்தை தொடங்க உள்ளதாக தகவல் வெளியாகி உள்ளது. திருச்சியில் தொடங்கி ஒரு நாளைக்கு கட்சியின் அமைப்பு ரீதியாக இரண்டு மாவட்டங்களில் விஜய் சுற்றுப்பயணம் மேற்கொள்ள உள்ளார். இதற்கான ஏற்பாடுகளை தமிழக வெற்றி கழகம் கட்சியினர் செய்து வருகின்றனர். சுற்றுப்பயணத்திற்காக பிரத்தியேக வேன் ஒன்று தயாராக உள்ளது.