இது என்னடா அண்ணாமலைக்கு வந்த சோதனை?…. ஆரம்பிச்ச ஒரே மாசத்துல இப்படி ஒரு நிலைமையா?…. அதிர்ச்சியில் நிர்வாகிகள்….!

பாஜகவில் இருந்து சமீபத்தில் வெளியேறிய அண்ணாமலையால் தொடங்கப்பட்ட ‘வி தி லீடர்ஸ்’ (We The Leaders) அமைப்பில் இணைந்துள்ள உறுப்பினர்களிடையே தற்சமயம் பெருத்த தடுமாற்றமும் அதிருப்தியும் நிலவி வருவதாகத் தகவல்கள் தெரிவிக்கின்றன. மாநிலத்தின் பல்வேறு பகுதிகளில் இவ்வமைப்பின் சார்பில் விழிப்புணர்வு நிகழ்ச்சிகள் தொடர்ச்சியாக நடத்தப்பட்டபோதிலும், கள அளவில் உறுப்பினர்களைச் சரியாக வழிநடத்தவும் ஒருங்கிணைக்கவும் போதிய நிர்வாகிகள் இல்லாத காரணத்தால் இந்நிகழ்ச்சிகள் பொதுமக்கள் மத்தியில் எதிர்பார்த்த அளவு கவனத்தைப் பெறத் தவறிவிட்டன.

மேலும், இந்த அமைப்பு சார்பில் சுமார் 50 லட்சம் பேரை உறுப்பினர்களாகச் சேர்க்க வேண்டும் எனத் தொடக்கத்தில் பெரும் இலக்கு நிர்ணயிக்கப்பட்டிருந்த நிலையில், முறையான நிர்வாகக் கட்டமைப்பு இல்லாததன் விளைவாகவே இதுவரை வெறும் 18 லட்சம் பேர் மட்டுமே இணைந்துள்ளனர் என்றும், இதன் காரணமாகவே நிர்ணயிக்கப்பட்ட இலக்கை அடைய முடியாமல் பின்னடைவு ஏற்பட்டுள்ளதாகவும் அமைப்பில் உள்ள உறுப்பினர்களே ஆதங்கத்துடன் கருத்துத் தெரிவித்து வருகின்றனர்.