“அதிமுக கூட்டணிக்கு விழுந்த பேரிடி”…. அன்புமணி எடுத்த அந்த ஒரு முடிவு… பின்னணியில் வெளியான ரகசியப் பட்டியல்….!

தமிழகத்தில் மதுராந்தகம் மற்றும் தாராபுரம் ஆகிய சட்டமன்றத் தொகுதிகளுக்கான இடைத்தேர்தல் அக்டோபர் 6-ஆம் தேதி நடைபெறவுள்ள நிலையில், அதில் எந்தக் கட்சிக்கும் ஆதரவு கிடையாது என்று பாமக தலைவர் அன்புமணி ராமதாஸ் அதிரடியாக அறிவித்துள்ளார். திமுக, அதிமுக, தவெக, நாம் தமிழர் மற்றும் கம்யூனிஸ்ட் கட்சிகள் எனப் பல முனைப் போட்டி நிலவும் சூழலில், குறிப்பாக மதுராந்தகம் தொகுதியில் குறிப்பிடத்தக்க வாக்குவங்கியைக் கொண்டுள்ள பாமகவின் ஆதரவைப் பெற அதிமுக தீவிர முயற்சி எடுத்தது. 2016-ல் தனித்துப்போட்டியிட்டு 9% வாக்குகளைப் பெற்ற பாமக, கடந்த தேர்தல்களில் அதிமுகவின் வெற்றிக்கு மிக முக்கிய காரணியாக விளங்கியது. இருப்பினும், அதிமுக தலைவர்களைச் சந்திப்பதைக் தவிர்த்து வந்த அன்புமணி, இறுதியில் யாருக்கும் ஆதரவில்லை என்ற முடிவை வெளியிட்டது அரசியல் வட்டாரத்தில் பெரும் அதிர்வலைகளை ஏற்படுத்தியுள்ளது.

இந்தத் திடீர் புறக்கணிப்பு முடிவுக்குப் பின்னால், பாமக மாவட்டச் செயலாளர்கள் கூட்டத்தில் வெடித்த அதிமுக மீதான கடுமையான புகார்களே பின்னணியாக அமைந்துள்ளன. கூட்டத்தில் பேசிய பெரும்பாலான நிர்வாகிகள், அதிமுக உடனான கூட்டனியால் கட்சிக்கு லாபத்தை விட இழப்பே அதிகம் என்று பகிரங்கமாகத் தெரிவித்தனர். சட்டமன்றத் தேர்தலில் அதிமுக கைப்பற்றிய 47 தொகுதிகளில் சுமார் 36 இடங்கள் பாமகவின் பலம் பொருந்திய பகுதிகள் என்பதும், அதேவேளையில் சேலம் மாவட்டத்தில் பாமக நேரடியாகப் போட்டியிட்ட மேற்கு மற்றும் வடக்குத் தொகுதிகளில் அதிமுகவின் உள்ளூர் ஒத்துழைப்பு கிடைக்காததால் தோல்வியடைய நேரிட்டது என்பதும் அவர்களின் முதன்மையான புகாராக இருந்தது.

மேலும், தேர்தலில் வெற்றி பெற்ற பிறகு கூட்டணித் தோழமையான பாமகவை அதிமுக தலைமை முறையாகக் கண்டுகொள்ளாமல் அலட்சியப்படுத்தியதாகவும் பாமக நிர்வாகிகள் தங்கள் ஆதங்கத்தை வெளிப்படுத்தியுள்ளனர். கட்சி நிர்வாகிகளின் இந்த உணர்வுகளுக்கும் புகார்களுக்கும் மதிப்பளித்த அன்புமணி ராமதாஸ், அதிமுகவுக்கு ஆதரவளிக்கக் கூடாது என்ற உறுதியான முடிவை எடுத்து அறிவித்தார். இதன் மூலம் வன்னியர் சமூகத்தின் கணிசமான வாக்குகள் அதிமுக பக்கமாகச் செல்வது தடுக்கப்பட்டு, மறைமுகமாக அது ஆளுங்கட்சி அல்லது பிற முக்கியக் களமிறங்கும் கட்சிகளுக்கு சாதகமாக மாறக்கூடும் என்ற கணிப்பும் எழுந்துள்ளது.

அதிமுக உறவில் இருந்து பாமக விலகத் தொடங்கியுள்ள போதிலும், அடுத்தகட்டமாக பாமக தவெக கூட்டணிக் கதவுகளைத் தட்டுமா என்பதில் பெரும் இழுபறி நிலவுகிறது. தவெக கூட்டணியில் ஏற்கனவே விசிக அங்கம் வகிப்பதால், பாமக அந்த அணியில் இணைவதில் அரசியல் ரீதியான முரண்பாடுகளும் சிக்கல்களும் நீடிக்கின்றன. இருப்பினும், இந்த இடைத்தேர்தல் புறக்கணிப்பு முடிவானது, எதிர்வரும் அரசியல் நகர்வுகளில் பாமகவின் புதிய பாதையையும் சுயமரியாதை நிலைப்பாட்டையும் வெளிப்படுத்தும் முக்கியத் திருப்புமுனையாகப் பார்க்கப்படுகிறது.