என்னது… கம்பெனியில் தீபாவளி கிஃப்ட் எல்லாருக்கும் ஐபோன் 16-ஆ?… அதிர்ச்சியில் உறைந்த ஊழியர்கள்… இணையத்தில் வைரல் வீடியோ…!

டெல்லியைச் சேர்ந்த பிரபல நிறுவனம் ஒன்று, இந்தத் தீபாவளிப் பண்டிகையை முன்னிட்டுத் தனது ஊழியர்களுக்குப் புதிய ஐபோன் 16 போன்களைப் பரிசாக வழங்கி ஆச்சரியப்படுத்தியுள்ளது. நிறுவனத்தின் வளர்ச்சிக்கும் வெற்றிக்கும் அச்சாணியாகத் திகழும் ஊழியர்களின் உழைப்பைப் பாராட்டும் வகையில் இந்த விலைமதிப்பற்ற பரிசு வழங்கப்பட்டுள்ளது. இந்த அறிவிப்பைக் கேட்டதும் ஊழியர்கள் மிகுந்த மகிழ்ச்சியிலும் உற்சாகத்திலும் திளைத்தனர்.

ஊழியர்களுக்கு ஐபோன் 16 வழங்கப்படும் அந்தச் சிறப்பு நிகழ்வு வீடியோவாகப் பதிவு செய்யப்பட்டு சமூக வலைதளங்களில் பகிரப்பட்டது. தற்போது இணையத்தில் தீயாகப் பரவி வரும் அந்த வீடியோவில், ஊழியர்கள் தங்களுக்கு வழங்கப்பட்ட புதிய ஐபோன் பெட்டிகளைப் பிரித்துத் தங்களின் மகிழ்ச்சியை வெளிப்படுத்தும் காட்சிகள் இடம் பெற்றுள்ளன. இவ்வளவு பெரிய பரிசைத் தங்கள் நிறுவனத்திடமிருந்து எதிர்பாராத ஊழியர்களின் நெகிழ்ச்சியான தருணங்கள் நெட்டிசன்களின் கவனத்தை ஈர்த்துள்ளன.

இந்த வீடியோவைக் கண்ட இணையவாசிகள் பலரும் அந்நிறுவனத்தின் தாராள மனப்பான்மையைப் பாராட்டி வருகின்றனர். “ஊழியர்களின் உழைப்பை முறையாகக் அங்கீகரிக்கும் இதுபோன்ற நிறுவனங்களில் பணிபுரியவே அனைவரும் விரும்புவார்கள்” எனப் பலரும் கருத்து தெரிவித்து வருகின்றனர். பண்டிகைக் காலத்தில் ஊழியர்களைக் கொண்டாடும் இந்த வீடியோ தற்போது இணையத்தில் வைரல் ட்ரெண்டிங்கில் உள்ளது.