வீட்டுக்கு சாப்பிட வாங்க என்று அழைத்த ரசிகர்… உடனே காமெடி நடிகர் விவேக் காட்டிய ரியாக்சன் – திகைப்பை ஏற்படுத்திய சம்பவம்!

இயக்குனர் ஹரி இயக்கத்தில் சியான் விக்ரம் திரிஷா நடித்த படம் சாமி. இந்த படத்தின் படப்பிடிப்பு நடந்த போது நடந்த சம்பவம் இது. இந்த படத்தில் அந்தணர் கேரக்டரில் விவேக் அசத்தலான காமெடி ரோலில் நடித்திருந்தார். அப்போது, சார் எங்க வீட்டுக்கு காபி சாப்பிட வருவேளா என்று வெள்ளந்தியாக அந்த தெருவில் இருந்த ரசிகர் ஒருவர் நடிகர் விவேக்கிடம் கேட்டிருக்கிறார். அட, அவ்வளவு தானா? வாங்க போவோம் என்று அப்போதே அவருடன் கிளம்பி வந்து விட்டார் நடிகர் விவேக்.

விவேக்கை வீட்டுக்கு அழைத்தவருக்கு உடனே குப் என்று வேர்த்து விட்டது. ஏனெனில் வந்தவரை அமர வைக்க வீட்டில் ஒரு நாற்காலி கூட இல்லாத ஏழ்மையான நிலை. தினமும் போண்டா பஜ்ஜி செய்து ஊரெங்கும் விற்பதுதான் அந்த ரசிகரின் தொழில். ஆனால் சகஜமாக அவர் வீட்டில் இருந்த ஒரு காலி எண்ணெய் டின்னில் அமர்ந்து கொண்டு ஒரு காபியும், ரெண்டு பஜ்ஜியும் சாப்பிட்டுள்ளார் நடிகர் விவேக்.

அங்கிருந்து கிளம்பும் முன்பு நடிகர் விவேக், வறுமையிலும் செம்மையாக உங்கள் விருந்தோம்பல் பண்புக்கு நான் விசிறியாகி விட்டேன், உங்களோடு ஒரு போட்டோ எடுத்துக்கலாமா? என்று தன்னை அழைத்தவருடன் ஒரு போட்டோவும் எடுத்திருக்கிறார் விவேக். மேலும் அடுத்தடுத்த நாட்களில் படப்பிடிப்பு குழுவினருக்கு சிற்றுண்டி அளிக்கவும் அந்த ரசிகருக்கு காண்ட்ராக்ட் வாங்கி தந்திருக்கிறார் சின்ன கலைவாணர் விவேக். அவர் மறைந்து பல ஆண்டுகள் ஆன போதிலும் அவரது இந்த மனிதநேயமிக்க செயல் இப்போது இணையத்தில் வைரலாகி வருகிறது.