“பாத்ரூம் போனது குத்தமா…?” 4 மணி நேரம் கழிவறையில்…! ஒரே மாதத்தில் 14 முறை…! பணி நிறுவனத்திற்கு ஷாக் கொடுத்த ஊழியர்…. நீதிமன்றத்தின் உத்தரவு…!!

கிழக்குச் சீனாவில் உள்ள ஜியாங்சு மாகாணத்தைச் சேர்ந்த ‘லி’ என்ற ஒரு பொறியாளர், நீண்ட நேரம் கழிவறைக்குச் செல்வதற்காக அடிக்கடி வேலைக்கு நடுவில் ஓய்வு எடுத்த காரணத்தால் வேலையை விட்டு நீக்கப்பட்டார்.

சவுத் சைனா மார்னிங் போஸ்ட் அறிக்கையின்படி, 2024 ஆம் ஆண்டு ஏப்ரல் மற்றும் மே மாதங்களுக்கு இடையில், அவர் ஒரு மாதத்தில் 14 முறை ஒரு மணி நேரத்திற்கும் மேலாக கழிவறை இடைவெளியை எடுத்ததாகவும், அதில் மிக நீண்ட இடைவெளி 4 மணி நேரம் நீடித்ததாகவும் நிறுவனம் குற்றம் சாட்டியுள்ளது.

வேலைநீக்கம் செய்யப்பட்டதால், சட்டவிரோதமாக ஒப்பந்தத்தை முடித்ததாகக் கூறி, அந்த நபர் நிறுவனம் மீது வழக்கு தொடர்ந்தார். தனக்கு பைல்ஸ் நோய் இருந்ததால் அடிக்கடி கழிவறைக்குச் செல்ல வேண்டியிருந்தது என்பதைக் குறிக்க அவர் மருத்துவ அறிக்கைகளையும், மருந்துகளை வாங்கியதற்கான ஆதாரங்களையும் சமர்ப்பித்தார்.

ஆனால், இதற்குப் பதிலளித்த நிறுவனம், அந்த நபரின் நீண்ட கழிவறைப் பயணங்களின் பதிவுகளைக் கொண்ட சிசிடிவி காட்சிகளை நீதிமன்றத்தில் தாக்கல் செய்தது. நீதிமன்றமும், அந்த நபர் கழிவறையில் செலவழித்த நேரம் அவருடைய உடல் தேவைக்கு மிக அதிகம் என்று கருதியது.

நீதிமன்றம் இரு தரப்பிற்கும் இடையில் சமரசம் செய்தது. அதன்படி, அந்த நபரின் முந்தைய பங்களிப்பு மற்றும் வேலையில்லாமல் அவர் எதிர்கொள்ளும் கஷ்டங்களைக் கருத்தில் கொண்டு, நிறுவனம் அவருக்கு 30,000 யுவான் (சுமார் $4,200) கொடுப்பனவை வழங்கும்படி உத்தரவிட்டது. அனுமதி இல்லாமல் நீண்ட நேரம் இருக்கை இல்லாதது, ஒப்பந்த மீறல் எனக் கருதப்பட்டதே பணி நீக்கத்திற்கு முக்கியக் காரணமாகும்.