முதல் முதலாக தனது குழந்தையின் முகத்தை வெளி உலகத்திற்கு காட்டிய அமலாபால்.. அம்மாவை போல அம்புட்டு அழகு..!!

பிரபல நடிகையான அமலா பால் சிந்து சமவெளி என்ற படத்தின் மூலம் தமிழ் சினிமாவில் ஹீரோயினாக அறிமுகமானார். ஆனால் அமலா பாலுக்கு புகழைத் தேடித் தந்தது. பிரபு சாலமன் இயக்கத்தில் வெளியான மைனா திரைப்படம் மைனா திரைப்படத்திற்கு பிறகு தான் அமலாபால் முன்னணி நடிகைகளில் ஒருவராக வலம் வர ஆரம்பித்தார்.

அவருக்கு அடுத்தடுத்த பட வாய்ப்புகள் கிடைத்தது. நடிகர் விஜயுடன் தலைவா, தனுசுடன் வேலையில்லா பட்டதாரி என ஏராளமான முன்னணி நடிகர்களின் படத்தில் அமலா பால் நடித்துள்ளார். 2014-ஆம் ஆண்டு இயக்குனர் விஜயை அமலா பால் காதலித்து திருமணம் செய்து கொண்டார். ஆனால் இருவருக்கும் இடையே கருத்து வேறுபாடு ஏற்பட்டதால் கடந்த 2017-ஆம் ஆண்டு விவாகரத்து பெற்று பிரிந்து விட்டனர்.

அதன் பிறகு மீண்டும் படங்களில் பிசியாக நடிக்க ஆரம்பித்தார்.  இந்த நிலையில் அமலா பால் தனது நெருங்கிய நண்பரான ஜெகத் தேசாய் என்பவரை காதலித்து திருமணம் செய்து கொண்டார். அடுத்த சில மாதங்களிலேயே தன் கர்ப்பமாக இருப்பதை அமலாபால் அறிவித்தார். கர்ப்ப காலத்தில் அமலாபால் எடுத்துக் கொண்ட புகைப்படங்கள் சோசியல் மீடியாவில் வைரலானது.

கடந்த ஜூன் மாதம் 11-ம் தேதி அமலா பாலுக்கு ஆண் குழந்தை பிறந்தது. அந்த குழந்தைக்கு இலை என பெயர் வைத்துள்ளனர். இந்த நிலையில் முதல் முறையாக அமலாபால் தனது குழந்தை மற்றும் கணவருடன் போட்டோஷூட் நடத்தி புகைப்படத்தை வெளியிட்டுள்ளார். தனது குழந்தையின் முகத்தை முதன் முதலாக சோசியல் மீடியாவில் காண்பித்துள்ளார். அதனை பார்த்து ரசிகர்கள் லைக்ஸ்களை அள்ளிக் குவிக்கின்றனர்.