ஜந்தர் மந்தரில் ஏ.ஐ கண்காணிப்பு… ஆதார் தகவல்கள் திருடப்படுகிறதா…? சர்ச்சைக்கு நடுவே டெல்லி காவல்துறை கொடுத்த அதிரடி விளக்கம்….!!

டெல்லி ஜந்தர் மந்தரில் நடைபெற்று வரும் போராட்டத்தின் போது, டெல்லி காவல்துறை ‘இக்ஷனா’ என்ற அதிநவீனக் கண்காணிப்பு வாகனங்கள் மூலம் செயற்கை நுண்ணறிவு சார்ந்த முகத்தை அடையாளம் காணும் தொழில்நுட்பத்தைப் பயன்படுத்தி வருகிறது. இந்த அமைப்பில் தகவல்கள் காட்டப்படுவதால், இது குடிமக்களின் ஆதார் தரவுகளுடன் இணைக்கப்பட்டுள்ளதா என்ற பலத்த சந்தேகம் மக்களிடையே எழுந்துள்ளது. இருப்பினும், இத்தொழில்நுட்பம் குற்றவாளிகளின் படங்களைக் கொண்ட தங்களது சொந்தத் தரவுதளத்துடன் மட்டுமே ஒப்பிடப்படுகிறதே தவிர, ஆதார் தரவுகளுடன் இணைக்கப்படவில்லை எனக் காவல்துறை தரப்பில் தெளிவுபடுத்தப்பட்டுள்ளது.

இருப்பினும், இத்தகைய தீவிரக் கண்காணிப்பு நடவடிக்கைகள் தங்களின் தனிநபர் சுதந்திரத்தையும் உரிமைகளையும் பாதிப்பதாகக் கூறிப் போராட்டத்தில் ஈடுபட்டுள்ள மாணவர்கள் கவலை தெரிவித்துள்ளனர். மேலும், இந்தத் தரவுகள் எவ்வளவு காலம் சேமித்து வைக்கப்படும் என்பதிலும் தெளிவில்லாத சூழல் நிலவுகிறது. இதையடுத்து, அமைதியான முறையில் போராட்டம் நடத்துவோரைக் கண்காணிப்பதற்கு எதிராகவும், தனிநபர் உரிமைகளைப் பாதுகாக்கவும் வலியுறுத்தி டெல்லி உயர் நீதிமன்றத்தில் மனுத் தாக்கல் செய்யப்பட்டுள்ளது.