நடிப்பு குத்தாட்டம் மட்டுமின்றி இப்படியும் ஒரு வருமானமா? – நடிகை தமன்னா குறித்து வெளியான லேட்டஸ்ட் அப்டேட் – ஷாக் ஆன ரசிகர்கள்!

தமிழ் சினிமாவில் அறிமுகமாகி பிறகு தெலுங்கு படங்களில் நடித்தவர் நடிகை தமன்னா. இப்போது பாலிவுட்டில் முன்னணி நடிகையாக தமன்னா மாறி இருக்கிறார். இந்திய சினிமாவில் நட்சத்திர நடிகையாக அவர் அடையாளம் பெற்ற நிலையில் கதாநாயகியாக நடிப்பது மட்டுமின்றி சிறப்பு பாடல் காட்சிகளில் நடனம் ஆடுவதிலும் தமன்னா அதிக ஆர்வம் காட்டுகிறார். தமன்னாவின் நடன பாடல்களுக்கு ரசிகர்கள் மத்தியில் பெரிய வரவேற்பும் பலத்த ஆதரவும் இருக்கிறது. இப்போதும் ஜெயிலர் படத்தில் வந்த காவலய்யா பாடலை ரசிகர்கள் கொண்டாடுகின்றனர்.

அதனால் நடிகை தமன்னா ஒரு பாடல் காட்சியில் நடனமாட 1 கோடி ரூபாய் முதல் 6 கோடி ரூபாய் வரை சம்பளம் பெறுவதாக கூறப்படுகிறது. சமீபத்தில் கோவாவில் நடந்த சிறப்பு நிகழ்ச்சியில் நடனம் ஆடுவதற்கு நடிகை தமன்னா 6 கோடி ரூபாய் வரை சம்பளம் வாங்கினார் என்ற தகவல் வெளியானது குறிப்பிடத்தக்கது.

இந்நிலையில் ஒரு படத்தில் நடிக்க சம்பளமாக 4 கோடி ரூபாய் முதல் 5 கோடி ரூபாய் வரை தமன்னா சம்பளம் வாங்குகிறார். இப்போது புகழ்பெற்ற மைசூர் சேண்டல் சோப்பின் பிராண்ட் தூதராக அதாவது பிராண்ட் அம்பாசிடராக நடிகை தமன்னா நியமிக்கப்பட்டுள்ளார்.

இதற்காக 2 ஆண்டுகளுக்கு இந்த ஒப்பந்தத்தில் அவர் கையெழுத்திட்டுள்ளார். இதற்காக தமன்னா ரூ. 6.2 கோடி சம்பளம் பெற்றுள்ளார். சினிமா சம்பளத்தை விட அதிக வருமானம் தரும் இந்த டீல் தற்போது கோலிவுட் மற்றும் விளம்பர உலகில் அதிக கவனத்தை பெற்றுள்ளது.