செம கியூட்… நடிகை காஜல் அகர்வாலின் மகன் இவ்ளோ பெருசா வளந்துட்டாரா…? அவரே வெளியிட்ட புகைப்படம்…

தென்னிந்திய தமிழ் சினிமாவின் முன்னணி நடிகைகளில் ஒருவராக வலம் வருபவர் நடிகை காஜல் அகர்வால். இவர் குறுகிய காலகட்டத்திலேயே முன்னணி நடிகர்களுடன் நடித்து பல மொழிகளிலும் தற்பொழுது முன்னணி நடிகையாக வலம் வந்து கொண்டுள்ளார். இவர் தமிழ், ஹிந்தி மற்றும் தெலுங்கில் அதிக படங்களில் நடித்துள்ளார்.

  

கிட்டத்தட்ட 50 படங்களுக்கு மேல் நடித்துள்ள இவர், சொந்தமாகவும் பல தொழில்கள் செய்து வருகிறார். சினிமாவில் பிசியாக நடித்துக் கொண்டிருக்கும் போதே 2020இல் கௌதம் கிச்சலு என்பவரை திருமணம் செய்து கொண்டார் காஜல் அகர்வால். இவர்களுக்கு தற்பொழுது ஒரு மகன் உள்ளார். அவருக்கு நீல் என்று பெயர் சூட்டி உள்ளனர்.

இதைத்தொடர்ந்து நடிகை காஜல் சினிமாவை விட்டு விலகப் போவதாக இணையத்தில் வதந்திகள் வெளியாகி  வைரலானது. ஆனால் அவர் அவ்வாறு செய்யவில்லை. தற்பொழுது இவர் இந்தியன் 2 படத்தில் பிசியாக நடித்து வருகிறார்.  அதோடு மட்டுமின்றி பகவத் கேசரி, காஜல் 60 உள்ளிட்ட படங்களை கைவசம் வைத்து பிஸியாக நடித்துக் கொண்டு வருகிறார் நடிகை காஜல்.

திருமணத்திற்கு பின் சற்று உடல் கூடிய இவர் குழந்தை பெற்ற பிறகு மிகவும் குண்டானார். இதைத் தொடர்ந்து தற்பொழுது தீவிரமாக உடற்பயிற்சி செய்து தனது உடல் எடையை வெகுவாக குறைத்துள்ளார் நடிகை காஜல். தற்பொழுது இவர் தனது உடல் எடையை குறைத்து ஸ்லிம்மாக மாறி சினிமாவில் ரீ என்ட்ரி கொடுத்து கலக்கி வருகிறார்.

சோசியல் மீடியாவில் எப்பொழுதும் ஆக்டிவாக இருக்க கூடிய இவர், அவ்வப்பொழுது தனது குடும்ப புகைப்படங்களை பகிர்ந்து வருகிறார். அந்தவகையில் தற்பொழுது தனது கணவர், மகன் மற்றும் தனது அழகிய குடும்பத்துடன் எடுத்துக் கொண்ட புகைப்படங்களை தனது இன்ஸ்டா பக்கத்தில் பகிர்ந்துள்ளார். இப்புகைப்படங்கள் ரசிகர்களால் வைரலாக்கப்பட்டு வருகிறது.