பாலூட்டிய மார்பை அறுப்பியா…? உன் தாய்க்கு இப்படி அநீதி நடந்தால்…? ஆண்களின் வன்மம்…! கடுமையாக சாடிய தீபா…!!

சின்னத்திரை மற்றும் வெள்ளித்திரையில் நடித்து வரும் நடிகை தீபா, ஒரு நிகழ்ச்சியில் பெண்களுக்கு எதிராகச் செயல்படும் ஆண்களைக் குறித்து மிகவும் ஆவேசமாகப் பேசிய வீடியோ இணையத்தில் வைரலாகி வருகிறது. சில மாதங்களுக்கு முன்பு ஒரு குறிப்பிட்ட சாதிப் பெண்களின் மார்பை அறுப்பேன் என்று ஒருவர் பேசியதைக் கண்டித்து ஆவேசப்பட்ட அவர், பால் கொடுத்த தாயின் உறுப்பை அறுக்கச் சொல்வது எந்த விதத்தில் நியாயம் என்று கேள்வி எழுப்பினார்.

கடவுள் பெண்களுக்கு மார்பைப் படைத்ததே குழந்தைகளுக்குப் பாலூட்டுவதற்காகத் தான் என்றும், அப்படிப்பட்ட உறுப்பை அறுக்க நினைப்பவன், தன் தாய்க்கு அது நடந்தால் எப்படி பொறுத்துக்கொள்வான் என்றும் கேள்வி எழுப்பினார். மேலும், ஒரு ஆணுக்கு ஒரு பெண் மீது காதல் வரலாம், ஆனால் அந்தப் பெண் வேறு ஒருவரைக் காதலித்தால், ஆசிட் ஊற்றுவதோ அல்லது கொலை செய்வதோ சரியா என்று கேள்வி எழுப்பிய அவர், இப்படிச் செய்தால் இருவரின் வாழ்க்கையும் அழிவதோடு, பெற்றோரும் கண்ணீர் சிந்துவார்கள். பெண்களை ‘தேவதாசி’ என்று திட்டும் ஆண்கள், பொதுவெளியில் கரகாட்டத்தைப் பார்த்து ரசிப்பது எந்த விதத்தில் நியாயம் என்று கேட்டு, அவர்களின் இரட்டைத் தரத்தையும் சுட்டிக் காட்டினார்.

கடவுள் பெண்களைப் பாதுகாக்கவே ஆண்களைக் படைத்தார் என்றும், தங்கள் வீட்டுப் பெண்களுக்கு ஒரு நியாயம், அடுத்த வீட்டுப் பெண்களுக்கு ஒரு நியாயம் என்று பார்ப்பது தவறு என்றும் வேதனை தெரிவித்தார். இறுதியாக, பெண்கள் என்பது உரிமைப் பொருள் அல்ல, சுய உரிமை கொண்ட மனிதர்கள் என்பதை உணர வேண்டும் என்றும், ஏமாற்றம் போன்ற சமயங்களில் உணர்ச்சிவசப்பட்டு வன்முறையில் ஈடுபடுவதைத் தவிர்க்க வேண்டும் என்றும், வன்முறைக்குத் தண்டனை உண்டு என்பதை உணர்ந்து செயல்பட வேண்டும் என்றும் ஆண்களுக்கு அறிவுரை வழங்கினார்.