அந்த நடிகையை திருமணம் செய்ய ஆசைப்பட்ட விஜயகாந்த்.. கடைசியில் பிரேமலதாவை மணந்தது எப்படி?.. பலரும் அறியாத சீக்ரெட்..!!

தமிழ் சினிமாவில் 90 களில் முன்னணி நடிகராக வலம் வந்தவர் நடிகர் விஜயகாந்த். இவரின் ஆக்சன் திரைப்படங்கள் அனைத்தும் ரசிகர்கள் மத்தியில் எப்போதுமே வெற்றி தான். அந்த அளவிற்கு தனது நடிப்பால் ரசிகர்களை வெகுவாக கவர்ந்தவர். தமிழ் ரசிகர்களால் கேப்டன் என்று அன்பாக அழைக்கப்படுபவர். நடிப்பு ஒரு பக்கம் இருக்க மறுபக்கம் நடிகர் சங்கத்தின் தலைவராகவும் தேமுதிக கட்சியின் தலைவராகவும் இருந்தவர் விஜயகாந்த். அப்படிப்பட்ட சிறந்த ஹீரோவாக விளங்கிய விஜயகாந்த் கடந்த சில வருடங்களாக உடல் நல குறைவு காரணமாக அவதிப்பட்டு வருகிறார்.

இந்த நிலையில் விஜயகாந்தின் திருமணம் குறித்து ஒரு சுவாரஸ்யமான தகவல் வெளியாகி உள்ளது. அதாவது விஜயகாந்த் ஒரு நடிகையை திருமணம் செய்து கொள்ள வேண்டும் என ஆசைப்பட்ட போது விஜயகாந்தின் அக்கா அதெல்லாம் சரிப்பட்டு வராது என கூறி விஜயகாந்தின் ஜாதகத்தை ஜோசியரிடம் கொண்டு சென்றுள்ளார்.

அப்போது நடிகையை திருமணம் செய்து கொண்டால் விஜயகாந்த் நடுத்தெருவுக்கு வந்துவிடுவார் என அவர் கூற அத்தோடு அந்த பேச்சு முறிந்து போனது. அதன் பிறகு குடும்பத்தினர் முடிவு செய்து குடியாத்தம் பக்கத்தில் நடுதர குடும்பத்தை சேர்ந்த பிரேமலதாவின் ஜாதகத்தை வாங்கி வந்துள்ளனர். அதனை வைத்து ஜோசியரிடம் பார்க்க இருவருக்கும் ஜாதகம் ஒத்துப்போக இறுதியில் விஜயகாந்த் பிரேமலதாவை திருமணம் முடித்தார்.