‘தன்னம்பிக்கை, துணிச்சல் இதில் தான் மகிழ்ச்சி’… அந்தரத்தில் தொங்கிக் கொண்டே வீடியோ எடுத்த நடிகர் சூரி… அவரே வெளியிட்ட வைரல் வீடியோ…

தமிழ் சினிமாவில் தனக்கென்று ஒரு தனி இடத்தை பிடித்த ஒரு நல்ல காமெடி நடிகர் சூரி. இவர் காமெடி கதாபாத்திரங்களின் மூலம் மக்கள் மத்தியில் நல்ல வரவேற்பு பெற்று ஹீரோவாக அவதாரம் எடுத்து தற்பொழுது கலக்கி வருகிறார். இவர் தேசிய விருது இயக்குனர் வெற்றிமாறன் இயக்கத்தில் ‘விடுதலை’ என்ற படம் மூலம் ஹீரோவாக தற்பொழுது களமிறங்கியுள்ளார்.

அவரது காமெடி காட்சிகளுக்கென்று தனி ரசிகர்கள் பட்டாளமே உள்ளனர். தற்பொழுது இவர் ஹீரோவாக நடித்த ‘விடுதலை’ திரைப்படம் ரிலீஸாகி ரசிகர்கள் மத்தியில்  வரவேற்பை பெற்றது. இதைத்தொடர்ந்து இத்திரைப்படத்தின் இரண்டாம் பாகத்தை எதிர்பார்த்து ரசிகர்கள் ஆவலுடன் காத்திருக்கின்றனர்.

இதை தொடர்ந்து நடிகர் சூரி  கூழாங்கல் படத்தின் இயக்குனரான வினோத் ராஜ் இயக்கத்தில் ‘கொட்டுக்காளி’ என்ற திரைப்படத்தில் ஹீரோவாக நடிக்க உள்ளார். நடிகர் சிவகார்த்திகேயன் இத்திரைப்படத்தை தயாரிக்க உள்ளார் என்பதும் குறிப்பிடத்தக்கது.  சமூக வலைத்தளங்களில் எப்பொழுதும் ஆக்டிவாக இருக்கக்கூடியவர் நடிகர் சூரி. இவர் தற்பொழுது இலங்கைக்கு சென்றுள்ளார்.

அங்கு அந்தரத்தில் தொங்கிக் கொண்டே வீடியோ எடுத்து அதனை தனது இன்ஸ்டாகிராம் பக்கத்தில் பதிவு செய்துள்ளார். மேலும் இந்த பதிவில் அவர் ”உங்களின் தன்னம்பிக்கை, துணிச்சல், உழைப்பு இவற்றைப் பொறுத்தே உங்கள் மகிழ்ச்சி அமையும்” என்றும் குறிப்பிட்டுள்ளார். அவரது இந்த பதிவானது இணையத்தில் வைரல் செய்யப்பட்டு வருகிறது.