சிவகார்த்திகேயனுக்கு அடித்த LUCK.. SK 25 படத்தின் டைட்டில் இது தானா?.. இப்படி இறங்கிட்டாங்களே..!

சிவகார்த்திகேயன் தமிழ் சினிமாவில் பணியாற்றும் பிரபலமான புகழ்பெற்ற நடிகர் ஆவார். எந்த ஒரு சினிமா பின்புறமும் இல்லாத குடும்பத்திலிருந்து வந்து தனது விடாமுயற்சி மற்றும் உழைப்பினால் இன்று சினிமாவில் தனக்கான ஒரு இடத்தை பிடித்திருக்கிறார். ஆரம்பத்தில் சின்னத்திரை விஜய் டிவி தொலைக்காட்சியில் தொகுப்பாளராக தனது கேரியரை தொடங்கினார் சிவாகார்த்திகேயன். அதன் மூலம் அவருக்கு சினிமாவில் நடிக்கும் வாய்ப்பு கிடைத்தது.

2012 ஆம் ஆண்டு மெரினா திரைப்படத்தின் மூலம் தமிழ் சினிமாவில் நாயகனாக அறிமுகமானார் சிவகார்த்திகேயன். ஆரம்பத்தில் காமெடி கதை அம்சம் கொண்ட படங்களில் நடித்து பிரபலமானார். அதற்குப் பிறகு காக்கிச்சட்டை, ரஜினி முருகன், ரெமோ, சீம ராஜா போன்ற கமர்ஷியல் வெற்றி திரைப்படங்களில் நடித்து மக்கள் மனதில் இடம் பிடித்தார். சமீபத்தில் இவர் நடித்த “அமரன்” திரைப்படம் இந்திய அளவில் மாபெரும் வெற்றி பெற்று வசூல் சாதனை படைத்தது. அதிலிருந்து இவர் முன்னணி நடிகர் என்ற அந்தஸ்தை பெற்றிருக்கிறார். தொடர்ந்து பல படங்களில் கமிட்டாகி பிசியாக நடித்து வருகிறார் சிவகார்த்திகேயன்.

தற்போது சிவகார்த்திகேயன் சுதா கொங்கரா இயக்கத்தில் எஸ் கே 25 என்ற திரைப்படத்தில் நடிப்பதற்கு கமிட் ஆகியுள்ளார். ஆகாஷ் பாஸ்கரன் தயாரிக்கும் இந்த திரைப்படத்தில் அதர்வா, ஜெயம் ரவி மற்றும் ஸ்ரீ லீலா ஆகியோர் முக்கிய கதாபாத்திரத்தில் நடித்து வருகிறார்கள். இந்த திரைப்படம் 1965 ஆம் ஆண்டு நடந்த ஒரு உண்மை கதையை மையமாகக் கொண்டு எடுக்கப்பட்டு வருகிறது. நிச்சயம் இந்த திரைப்படம் சிவகார்த்திகேயன் கேரியரில் அமரன் திரைப்படத்தை தொடர்ந்து ஒரு முக்கிய படமாக இருக்கும் என்றும் கூறப்படுகிறது. இப்படியான நிலையில் இந்த திரைப்படத்திற்கு முதலில் புறநானூறு என்று டைட்டில் வைக்கப்பட்டிருந்த நிலையில் அப்போது சூர்யா கமிட் ஆகி இருந்தார்.

திடீரென சூர்யா விலகியதை தொடர்ந்து சிவகார்த்திகேயன் இந்த படத்தில் நடிப்பதற்கு கமிட் ஆனார். இதனால் இந்த படத்திற்கு தற்போது 1965 என்ற ஆண்டை டைட்டிலாக வைத்துள்ளதாக கூறி வந்தார்கள். இந்த நிலையில் தற்போது படத்திற்கு பராசக்தி என்ற டைட்டில் வைக்கப்பட்டுள்ளது. படத்தின் டைட்டில் தொடர்பான சென்சார் முடிவடைந்து ரிப்போர்ட் வெளியாகியுள்ள நிலையில் சிவகார்த்திகேயனின் பிறந்த நாளை முன்னிட்டு படத்தின் டைட்டில் வெளியாகும் என்று எதிர்பார்க்கப்படுகிறது. பராசக்தி என்ற டைட்டில் 1952 ஆம் ஆண்டு சிவாஜி நடிப்பில் வெளியான சூப்பர் ஹிட் திரைப்படத்தின் டைட்டில் ஆகும். அந்த டைட்டில் தற்போது சிவகார்த்திகேயன் படத்திற்கு வைக்கப்பட்டுள்ளது ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தி உள்ளது.