என்ன கெடுத்ததே டி.ராஜேந்தர் தான்.. ரொம்பவும் கஷ்டப்பட்டேன்.. நடிகர் ராதாரவி எமோஷனல்..!

தமிழ் சினிமாவில் 70களில் தொடங்கி 90கள் வரை மிரட்டலான வில்லனாக பலம் வந்தவர் தான் நடிகர் ராதாரவி. அவருடைய வில்லத்தனமான நடிப்புக்கு ஏராளமான ரசிகர்கள் உள்ளனர். தமிழ் சினிமாவின் முன்னணி நடிகர்களான ரஜினி, கமல், சத்யராஜ் என பல நடிகர்களுடன் நடித்துள்ளார். தற்போது இவர் படங்களில் குணச்சித்திர வேடங்களிலும் நெகட்டிவ் கதாபாத்திரங்களிலும் நடித்துக் கொண்டிருக்கிறார்.

இந்நிலையில் ராதாரவி தற்போது ஆர்விஆர் ஸ்டூடியோ தயாரிப்பில் இயக்குனர் நவீன் இயக்கத்தில் உருவாகியுள்ள கடைசி தோட்டா திரைப்படத்தில் நடித்துள்ளார். இந்த திரைப்படத்தில் வனிதா விஜயகுமார் முதன்மை கதாபாத்திரத்தில் நடித்துள்ள நிலையில் ராதாரவி மற்றும் ஸ்ரீகுமார் முக்கிய கதாபாத்திரத்தில் நடித்துள்ளனர்.

இந்த திரைப்படம் விரைவில் வெளியாக உள்ளது. இப்படியான நிலையில் ராதாரவி சமீபத்தில் அளித்த பேட்டியில், மன்மத லீலை திரைப்படத்தில் தான் என்னுடைய திரை வாழ்க்கை தொடங்கியது. மன்மத லீலை திரைப்படம் முடித்த பிறகு சுமார் 8 வருடங்கள் சினிமாவில் ரொம்பவும் கஷ்டப்பட்டேன். நான் எம் ஆர் ராதா மகன் என்றதும் யாரும் எனக்கு வந்தவுடன் வாய்ப்பை தந்து விடல.

சிறிய சிறிய காட்சிகள், அரை மணி நேரம் ஒரு மணி நேரம் அடிக்க வேண்டிய காட்சிகள் என ஒரு சீன் ரெண்டு சீன் நடித்து ரொம்பவே கஷ்டப்பட்டேன். அப்போதான் கடவுள் மாதிரி டி ராஜேந்தர் வந்தாரு. அவர்தான் என்ன கெடுத்தாரு. நெகட்டிவ் சைடு இல்ல பாசிடிவ் சைடு அவர்தான் என்னை கெடுத்தாரு. உயிருள்ளவரை உஷா படத்தில் வில்லன் கதாபாத்திரத்தை கொடுத்து என்னை சினிமாவில் மேலே தூக்கி விட்டது டி.ராஜேந்தர் தான் என ராதாரவி எமோஷனலாக பேசியுள்ளார்.