தமிழில் மனோபாலா இயக்கிய படத்தை பார்த்து.. ஹிந்தியில் இயக்க சொல்லி அடம் பிடித்த பிரபல பாலிவுட் ஹீரோ..!

தமிழ் சினிமாவில் முன்னணி காமெடி நடிகராக கொடி கட்டி பறந்தவர் தான் நடிகர் மனோபாலா. திருவாரூர் அருகே நல்லிணத்தை பூர்வீகமாக கொண்ட மனோபாலா சிறுவயது முதலை சினிமா மீது தீராத காதல் கொண்டிருந்ததால் கல்லூரி படிப்பை முடித்த உடனே வீட்டில் கூட சொல்லிக் கொள்ளாமல் ரயில் ஏறி சென்னைக்கு கிளம்பினார். இங்கு வந்து தனது அக்காவின் வீட்டிற்கு சென்ற அவர் அங்கு தங்கி படங்கள் பார்ப்பதை வேலையாகவும் சினிமாவில் உதவி இயக்குனராக சேருவதை இலக்காகவும் கொண்டு செயல்பட்டார். பிறகு ஒரு பத்திரிக்கையாளராக தனது பணியை தொடங்கிய மனோபாலாவிற்கு நடிகர் கமல்ஹாசனின் நட்பு கிடைத்தது.

அதன் மூலம் பாரதிராஜாவிடம் உதவி இயக்குனராக சேர்ந்தார். உதவி இயக்குனராக புதிய வார்ப்புகள் படத்தின் மூலம் தனது சினிமா வாழ்க்கையை தொடங்கிய மனோபாலா, நிறம் மாறாத பூக்கள், கல்லுக்குள் ஈரம், டிக் டிக் டிக், நிழல்கள் மற்றும் அலைகள் ஓய்வதில்லை உள்ளிட்ட பல திரைப்படங்களில் பாரதிராஜாவிடம் பணியாற்றினார். இதனைத் தொடர்ந்து ஆகாய கங்கை என்ற திரைப்படம் மூலம் முதன்முதலாக இயக்குனராக அறிமுகமானார். அதனைத் தொடர்ந்து படங்களிலும் நடிக்க தொடங்கினார்.

ரஜினி மற்றும் கமல் என அனைத்து முன்னணி நடிகர்களின் திரைப்படங்களிலும் மனோபாலா சிறிய சிறிய கதாபாத்திரங்களில் நடிக்க ஆரம்பித்து பிறகு பல திரைப்படங்களிலும் காமெடி கதாபாத்திரத்தில் நடித்து அசத்தினார். ஒரு பக்கம் நடிகராகவும் மறுபக்கம் இயக்குனராகவும் தனது சினிமா வாழ்க்கையில் உச்சத்தில் இருந்தார். இப்படி சினிமாவில் பிஸியாக இருந்த மனோபாலா கடந்த சில வருடங்களுக்கு முன்பு தான் உயிரிழந்தார். இவருடைய மரணம் ஒட்டுமொத்த ரசிகர்களையும் அதிர்ச்சியில் ஆழ்த்தியது.

இப்படியான நிலையில் மனோபாலா தமிழ் சினிமாவை தாண்டி இந்தி படத்தையும் இயக்கியுள்ளார். அதாவது மனோபாலா ஒரு இயக்குனராக 1988 ஆம் ஆண்டு விஜயகாந்த் வைத்து இயற்கை திரைப்படம் தான் என் புருஷன் தான் எனக்கு மட்டும்தான். இந்தத் திரைப்படம் அனைவர் உடைய பாராட்டுக்களையும் பெற்ற தமிழ்நாட்டில் 100 நாட்களுக்கு மேல் ஓடி சாதனை படைத்தது. இந்த தகவலை அறிந்த பாலிவுட் நடிகர் ஜிஜேந்திரா, அதே கதையை இந்தியிலும் இயக்க சொன்னார். அந்தப் படத்தில் கதாநாயகனாக நடித்தவர் ஜிஜேந்திரா.

பழம்பெரும் நடிகர் ஜெமினி கணேசனின் மகள் ரேகா, நடிகர் எம் ஆர் ராதாவின் மகள் ராதிகா ஆகியோர் நடித்த அந்த திரைப்படம் Mera Pati Sirf Mera Hai என்ற தலைப்பில் ஹிந்தியில் வெளியாகி நல்ல வரவேற்பை பெற்றது. தமிழ் இந்தி மட்டுமல்லாமல் கன்னடத்திலும் மனோபாலா ஒரு படத்தை இயக்கியுள்ளார். இவ்வளவு திறமைகளை கொண்ட காலத்தில் ஒரு காமெடி நடிகராக அறியப்பட்டார்.