தமிழ் சினிமாவில் பல படங்களில் நகைச்சுவை வேடங்களில் நடித்து பிரபலம் ஆனவர் அனுமோகன். குறிப்பாக கே எஸ் ரவிக்குமார் இயக்கத்தில் ரஜினிகாந்த் நடிப்பில் உருவான படையப்பா திரைப்படத்தில் அவர் நடித்திருந்த கதாபாத்திரம் மிகவும் ரசிக்கப்பட்டது. அந்த படத்தில் கொங்கு தமிழில் பேசிய வசனம் வெகுவாக சிலாகிக்கப்பட்டது.
அந்த படத்தின் வெற்றிக் காரணமாக அடுத்தடுத்த ஆண்டுகளில் பல படங்களில் நடித்தார். அவர் நடித்ததில் குறிப்பிடத்தகுந்த படங்களாக நட்புக்காக, படையப்பா, மின்சார கண்ணா, ஏழையின் சிரிப்பில், சபாஷ், பத்ரி, ஒற்றன் ஆகிய படங்களை சொல்லலாம். கடைசியாக ரஜினிகாந்த் நடித்த லிங்கா படத்தில் நடித்திருந்தார்.
ஆனால் அனுமோகன் வெறும் நடிகர் மட்டுமில்லை. அவர் கதாசிரியராகவும், இயக்குனராகவும் பல படங்களில் பணியாற்றியுள்ளார். இயக்குனர் சுந்தர் ராஜனின் நண்பரான அனுமோகன், அவரின் படங்களில் இணை இயக்குனராக பணியாற்றினார்.
அதன் பின்னர் 1989 ஆம் ஆண்டு வெளியான மோகன், ரேகா, அமலா ஆகியோர் நடித்த இதுஒரு தொடர் கதை என்ற படத்தின் மூலம் இயக்குனராக அறிமுகமானார். அதன் பின்னர் முரளி, பிரபு நடித்த நினைவுச்சின்னம் படத்தை இயக்கினார். இந்த படம் வெற்றிப்படமாக அமைந்தது. அடுத்து அர்ஜுன் நடிப்பில் மேட்டுப்பட்டி மிராசு மற்றும் ராமராஜன் நடித்த அண்ணன் திரைப்படத்தையும் இயக்கினார். இந்த படங்கள் பெரிய வெற்றி பெறாததால் அவரால் அடுத்தடுத்து இயக்குனர் ஆக பணியாற்ற முடியவில்லை.
இதுமட்டுமின்றி சத்யராஜ் நடித்த பங்காளி படத்துக்கு கதாசிரியராகவும் பணியாற்றியுள்ளார். சமீபத்தில் அளித்த ஒரு நேர்காணலில் பிரம்மாண்டமான ஒரு சீரியல் ஒன்றை உருவாக்கும் முனைப்பில் இருப்பதாகவும் விரைவில் அதன் மூலம் கம்பேக் கொடுப்பேன் என்றும் கூறியுள்ளார்.
தமிழ் சினிமாவில் மிகவும் பிரபலமான நடிகர்களில் ஒருவராக வலம் வருபவர் சூர்யா. இவர் நடிப்பில் உருவாகி வரும் கங்குவா திரைப்படத்தின்…
நடிகர் சித்தார்த்தின் 40வது திரைப்படம் தொடர்பான அதிகாரப்பூர்வ அறிவிப்பு வெளியாகி உள்ளது .சாந்தி டாக்கீஸ் அருண் விஷ்வா தயாரிக்கும் இந்த…
தமிழ் சினிமாவில் பின்னணி பாடகியாக வலம் வந்த சுசித்ரா கடந்த சில நாட்களாகவே தனது இன்டர்வியூ மூலம் மிகப்பெரிய புயலை…
தமிழ் சினிமாவில் பிரபல பின்னணி பாடகியாக வலம் வந்த சுசித்ரா. அவரின் முன்னாள் கணவர் கார்த்திக் குறித்தும் நடிகர் தனுஷ்…
தமிழ் சினிமாவில் பெண்கள் பல துறைகளில் சாதித்திருந்தாலும் இன்னும் இயக்குனர் என்ற துறைக்குள் அவர்களின் பங்களிப்பு குறைவாகதான் உள்ளது. சாவித்ரி,…
சன் டிவியில் மிகவும் பிரபலமாக ஒளிபரப்பாகி வரும் சீரியல்களில் ஒன்று எதிர்நீச்சல். எப்போதும் டிஆர்பி ரேட்டிங்கில் முதலிடத்தை பிடிக்கும் சீரியல்…