திடீரென துபாய்க்கு புறப்பட்டுச் சென்ற நடிகர் அஜீத்குமார்… இதுதான் காரணமா? ரொம்பவும் நல்லவரா இருக்காரே என்று ஆச்சரியப்பட்ட ரசிகர்கள்!

நடிகர் அஜீத்குமார் கடந்த சில மாதங்களாக துபாயில் இருந்துவிட்டு சமீபத்தில் தான் சென்னை திரும்பினார். துபாயில் நடந்த கார் ரேஸில் கலந்துக்கொண்ட அஜீத்குமாருடன், ஓய்வு நேரத்தில் தனியாக காரில் பயணிக்க ஒரு நபருக்கு 3500 திராம் வரை அந்த கார் ரேஸ் நடத்தும் நிறுவனம் கட்டணம் நிர்ணயித்து வசூலித்தது. இதற்காக ஒரு ரவுண்டுக்கு 1.5 நிமிடம் வீதம் 2 ரவுண்டு 3 நிமிடங்கள் அஜீத்குமாருடன் பயணிக்க அவர்களுக்கு அனுமதி தரப்பட்டது.

அந்த வகையில் இதற்காக 40 பேர் வரை கட்டணம் செலுத்திய நிலையில் 20 பேர் வரை அஜீத்குமாருடன் தனியாக காரில் பயணித்துள்ளனர். மீதி 20 பேர் நேரமின்மை காரணமாக பயணிக்கவில்லை. இதற்காக சமீபத்தில் துபாய் புறப்பட்டுச் சென்ற அஜீத்குமார், அந்த 20 பேருடன் தனித்தனியாக 3 நிமிடங்கள் வீதம் காரில் அவர்களை அழைத்துச் சென்றுள்ளார். அந்த ரசிகர்கள், குறிப்பிட்ட வெப்சைட்டில் சென்று அஜீத்குமாருடன் பயணித்த தங்களது வீடியோக்களை டவுன்லோடு செய்துக்கொள்ள அந்த ரேஸ் நடத்தும் நிறுவனம் அறிவுறுத்தி உள்ளது.