உங்க ஆதாரில் எந்த மொபைல் நம்பர் இணைக்கப்பட்டுள்ளது என்று தெரியலையா?.. கண்டறிய இதோ எளிய வழி..!!

இந்தியாவில் உள்ள ஒவ்வொரு நபருக்கும் ஆதார் கார்டு என்பது மிக முக்கியமான அடையாள ஆவணமாக உள்ளது. இன்றைய காலகட்டத்தில் சிம் கார்டு வாங்குவது முதல் வங்கி கணக்கு வரை அனைத்திற்கும் ஆதார் கார்டு என்பது கட்டாயமாக்கப்பட்டுள்ளது. இவ்வளவு முக்கியத்துவம் வாய்ந்த ஆதார் கார்டில் தனிப்பட்ட விவரங்கள் அனைத்தையும் பயனர்கள் அப்டேட் ஆக வைத்திருக்க வேண்டும் என மத்திய அரசு தொடர்ந்து அறிவுறுத்தி வருகிறது.

அதே சமயம் ஆதார் கார்டில் எந்த ஒரு அப்டேட்டை மேற்கொள்ள வேண்டும் என்றாலும் அதற்கு மொபைல் நம்பர் அவசியம். நாம் ஆதார் எடுக்கும் போது பயன்படுத்திய மொபைல் நம்பரை நாம் அப்போது ஆதார் கார்டு எடுக்க கொடுத்திருப்போம். அதன் பிறகு நாம் மொபைல் நம்பரை மாற்றி இருக்கலாம். இது போன்ற சூழலில் ஆதார் கார்டில் எந்த மொபைல் நம்பர் உள்ளது என்பதை நாம் எளிதில் அறிந்து கொள்ளலாம்.

• இதற்கு முதலில் https://uidai.gov.in என்ற பக்கத்திற்குச் சென்று எனது ஆதார் பிரிவில் ஆதார் சேவைகளில் ஆதார் எண் சரிபார்ப்பு என்பதை கிளிக் செய்து  ஆதார் எண் மற்றும் கேப்சாவை உள்ளிட வேண்டும்.
• பின்னர் சரி பார்க்க தொடரவும் என்பதை கிளிக் செய்தால் உங்களது மொபைல் நம்பர் ஆதார் இணைக்கப்பட்டிருந்தால் அந்த மொபைல் நம்பரின் கடைசி 3 இலக்கங்கள் அதில் தெரியும்.
• மொபைல் எண் காலியாக இருந்தால் அந்த ஆதார் எண்ணுடன் எந்த தொலைபேசி எண்ணும் இணைக்கப்படவில்லை என்று அர்த்தம்.