‘யாராக இருந்தால் என்ன?…’ தவறு தவறுதான்… “என்ன தப்பா தொட்டான்…” மன்னிப்பு கேட்கும் வரை விடமாட்டேன்… ஆவேசமான இளம்பெண்… பரபரப்பு வீடியோ…!

பொது இடங்களில் பெண்களுக்கு ஏற்படும் பாதுகாப்பு அச்சுறுத்தல்கள் குறித்த விவாதங்கள் மீண்டும் தீவிரமடைந்துள்ள நிலையில், தனக்கு நேர்ந்த தவறான தொடுதலுக்கு எதிராக ஒரு பெண் உடனடியாகக் குரல் எழுப்பிய சம்பவம் சமூக வலைதளங்களில் பெரும் பரபரப்பை ஏற்படுத்தியுள்ளது. எக்ஸ் தளத்தில் வெளியான வைரல் வீடியோவில், ஒரு நபர் தன் தொடையை தவறான எண்ணத்துடன் தொட்டதாகக் கூறி, அப்பெண் அவரை ஆவேசமாகக் கழுத்துப்பகுதியைப் பிடித்து மன்னிப்பு கேட்க வலியுறுத்துவது பதிவாகியுள்ளது. அங்கிருந்த பொதுமக்கள் அந்த நபர் மாற்றுத்திறனாளி என்று கூறி நிலைமையைக் கட்டுப்படுத்த முயன்றபோதிலும், “யாராக இருந்தாலும் தவறான செயல் ஏற்றுக்கொள்ள முடியாதது” என அப்பெண் உறுதியாகக் கூறி மன்னிப்பு கோரினார். அந்த நபர் தான் தவறு செய்யவில்லை என்றும், நடக்கும்போது தற்செயலாகப் பட்டிருக்கலாம் என்றும் மறுப்பு தெரிவித்தார்.

இந்தச் சம்பவம் இணையவாசிகள் இடையே காரசாரமான விவாதங்களை உருவாக்கியுள்ளது. மாற்றுத்திறனாளியாக இருப்பது ஒருவருக்குத் தவறாக நடப்பதற்கான உரிமத்தை வழங்கிவிடாது என்றும், பெண்கள் தங்களுக்கு நிகழும் அநீதியை எதிர்த்துக் கேட்பது சரியே என்றும் ஒரு சாரார் கருத்து தெரிவித்து வருகின்றனர். அதேவேளையில், மாற்றுத்திறனாளியால் தற்செயலாக நடந்த தொடுதலைப் புரிந்துகொள்ளாமல், உண்மையை முழுமையாக ஆராயும் முன்பே சட்டத்தைக் கையில் எடுத்துக்கொண்டு பொதுவெளியில் வன்முறையைப் பயன்படுத்துவது தவறானது என்றும் மற்றொரு தரப்பினர் சுட்டிக்காட்டியுள்ளனர். குற்றச்சாட்டின் உண்மைத்தன்மை கண்டறியப்படும் வரை எவரையும் அவசரமாக நீதிபதி போன்று தீர்ப்பளிக்கக் கூடாது என்பதே பலரின் கருத்தாக உள்ளது.