ஐயோ பாவம்!.. 5 நாள் மர்மம் உடைந்ததா?… 50 கி.மீ பயணம்… 8 வயது சிறுமி தப்பியோடியது ஏன்?… விசாரணையில் வெளிவந்த திடுக்கிடும் தகவல்…!!

காஞ்சிபுரம் மாவட்டம் ஸ்ரீபெரும்புதூர் அருகேயுள்ள கருமாங்கழனி பகுதியில், ஜார்க்கண்ட் மாநிலத்தைச் சேர்ந்த எட்டு வயது சிறுமி ஒருவர் கடந்த அக்டோபர் 16 அன்று வீட்டை விட்டு வெளியேறி திடீரென மாயமானார். குடும்பத்தில் ஏற்பட்ட கருத்து வேறுபாட்டால் தாய் சொந்த ஊர் திரும்பியிருந்த நிலையில், தாத்தா-பாட்டியின் பாதுகாப்பில் வளர்ந்து வந்த சிறுமி காணாமல் போனதால் குடும்பத்தினர் பெரும் அதிர்ச்சியடைந்தனர். உறவினர்கள் பல இடங்களில் தேடியும் தகவல் கிடைக்காததால், ஸ்ரீபெரும்புதூர் காவல் நிலையத்தில் புகார் அளிக்கப்பட்டு, காவல்துறையினர் மோப்ப நாய் உதவியுடன் தேடுதல் பணிகளைத் தொடங்கினர்.

விசாரணையில், சிறுமி ஸ்ரீபெரும்புதூரில் இருந்து பேருந்து மூலம் பூந்தமல்லிக்குச் சென்று, அங்கிருந்து சென்னை எழும்பூர் ரயில் நிலையத்தை அடைந்தது கண்டறியப்பட்டது. ரயில் நிலையத்தில் வழி தெரியாமல் தனியாகச் சுற்றித்திரிந்த சிறுமியைப் பாதுகாப்பாக மீட்ட ரயில்வே போலீசார், கெல்லீஸில் இயங்கி வரும் அரசு குழந்தைகள் காப்பகத்தில் ஒப்படைத்தனர். இத்தகவல் கிடைத்ததும் ஸ்ரீபெரும்புதூர் காவல் ஆய்வாளர் நேரில் சென்று ஆய்வு செய்து, காணாமல் போன அதே சிறுமிதான் என்பதை உறுதிப்படுத்தினார்.

மீட்கப்பட்ட சிறுமிக்குத் தேவையான மருத்துவ பரிசோதனைகளும் உரிய மனநல ஆலோசனைகளும் வழங்குவதற்காக, அவர் எழும்பூர் குழந்தைகள் நல மருத்துவமனையில் அனுமதிக்கப்பட்டுள்ளார். ஐந்து நாட்களாகப் பெரும் பரபரப்பையும் பதற்றத்தையும் ஏற்படுத்திய இச்சம்பவத்தில், சிறுமி எவ்வித பாதிப்புமின்றி நலமுடன் மீட்கப்பட்டது குடும்பத்தினருக்கும் அப்பகுதி மக்களுக்கும் நிம்மதியை அளித்துள்ளதுடன், துரிதமாகச் செயல்பட்ட காவல் துறையினருக்குப் பாராட்டுகளும் குவிந்து வருகின்றன.