அடடே… இனி பயமே வேண்டாம்… ஒரே நிமிடத்தில் ஆதார் பயோமெட்ரிக் லாக்… மோசடியில் இருந்து தப்பிக்க சூப்பர் வழி…!!

தற்போது வங்கிச் சேவைகள், புதிய சிம் கார்டு பெறுதல் மற்றும் அரசு நலத்திட்டங்கள் எனப் பல முக்கியமான பணிகளுக்கு ஆதார் கார்டு மிக அத்தியாவசியமான ஆவணமாக விளங்குகிறது. இத்தகைய சூழலில், ஒருவரின் கைரேகை அல்லது கருவிழித் தரவுகளை மற்றவர்கள் தவறாகப் பயன்படுத்துவதைத் தடுக்கவும் மோசடிகளைக் குறைக்கவும் UIDAI புதிய ஆதார் செயலியில் பயோமெட்ரிக் லாக் மற்றும் அன்லாக் வசதியை அறிமுகப்படுத்தியுள்ளது.

இந்த வசதியின் மூலம் பயனர்கள் தங்களின் பயோமெட்ரிக் தகவல்களைப் பாதுகாப்பாகப் பூட்டி வைக்க முடியும். இதனால், உங்கள் அனுமதியின்றி வேறு யாராவது உங்கள் ஆதார் எண்ணைப் பெற்றிருந்தாலும் கூட, உங்களின் கைரேகை அல்லது கருவிழியைப் பயன்படுத்தி எந்தவொரு தவறான நடவடிக்கையிலும் ஈடுபட முடியாது. MeitY-ன் தகவல்படி, இதுவரை சுமார் 19.1 மில்லியன் மக்கள் இந்த பயனுள்ள பாதுகாப்பு வசதியைப் பயன்படுத்தியுள்ளனர்.

இதைச் செய்ய, முதலில் புதிய ஆதார் செயலியைத் திறந்து உங்களது கணக்கில் லாகின் செய்ய வேண்டும். பின்னர் ஹோம் ஸ்கிரீனில் உள்ள ‘Biometric Lock’ அல்லது ‘Biometric Settings’ ஆப்ஷனைத் தேர்ந்தெடுத்து, அடையாள சரிபார்ப்பை முடிப்பதன் மூலம் பயோமெட்ரிக்கை லாக் செய்யலாம். தேவைப்படும் நேரங்களில் ‘Unlock Biometric’ ஆப்ஷன் மூலம் அதைத் திறந்து சேவைகளைப் பயன்படுத்திய பின், மீண்டும் எளிதாக லாக் செய்துகொள்ளலாம்.