தின்பண்டம் வாங்கித் தருவதாக கூறி தாய்மாமா செய்த பகீர் செயல்… கார் அடியில் கிடந்த சிறுமியின் சடலம்… உலுக்கும் போக்ஸோ வழக்கு… உ.பி-யில் நடந்த பயங்கரம்…!!!

உத்தரப்பிரதேச மாநிலம் காசியாபாத்தில் ரத்த உறவே எமனாக மாறிய ஒரு கொடூரச் சம்பவம் நாடு முழுவதும் பெரும் அதிர்ச்சியை ஏற்படுத்தியுள்ளது. தினக்கூலித் தொழிலாளர்களின் மகளான நான்கு வயது சிறுமி ஒருவரை, அவரது சொந்தத் தாய்மாமாவே கடத்திச் சென்று பாலியல் வன்கொடுமை செய்து கொலை செய்துள்ளார். பார்வையற்றவரான சிறுமியின் தந்தையிடம், குழந்தைக்குத் தின்பண்டங்கள் வாங்கித் தருவதாகக் கூறி ஆசை வார்த்தை சொல்லி அழைத்துச் சென்ற அந்த நபர், சிறுமியைச் சிதைத்துக் கொலை செய்த பின், சடலத்தை நிறுத்தி வைக்கப்பட்டிருந்த ஒரு காரின் அடியில் வீசிச் சென்றுள்ளார்.

மேலும் காணாமல் போன குழந்தையைத் தேடியபோது, காரின் அடியில் ரத்தக் காயங்களுடன் சடலமாகக் கண்டெடுக்கப்பட்டது காண்போரை நிலைகுலையச் செய்தது. முதற்கட்ட விசாரணையில், முசாபர்நகரைச் சேர்ந்த அந்த நபர் போதைப் பழக்கத்திற்கு அடிமையானவர் என்பதும், தனது மனைவியுடன் ஏற்பட்ட தகராறு காரணமாகச் சிறுமியின் வீட்டில் தங்கியிருந்ததும் தெரியவந்துள்ளது.

இந்த பயங்கர சம்பவம் தொடர்பாகக் காவல்துறையினர் கொலை மற்றும் போக்ஸோ சட்டத்தின்கீழ் வழக்குப்பதிவு செய்துள்ளனர். தற்போது தலைமறைவாக உள்ள அந்த நபரைக் கைது செய்ய காசியாபாத் காவல்துறை ஐந்து தனிப்படைகளை அமைத்துத் தீவிரமாகத் தேடி வருகின்றனர். மனிதாபிமானமற்ற இந்தச் செயல் அப்பகுதியில் பெரும் கொந்தளிப்பை ஏற்படுத்தியுள்ளது.