“அங்கிள் ஏன் இப்படி பண்றீங்க…?” கத்தி கூச்சலிட்ட 6-ஆம் வகுப்பு மாணவி… ஓடும் ஆட்டோவில் இருந்து தள்ளிவிட்ட ஓட்டுனர்…. பரபரப்பு சம்பவம்…!!

சென்னையில் பள்ளிக்குச் சென்ற ஆறாம் வகுப்பு மாணவியிடம் ஷேர் ஆட்டோ ஓட்டுநர் அநாகரிகமாக நடந்துகொண்ட சம்பவம் பெரும் பரபரப்பை ஏற்படுத்தியுள்ளது. திருவொற்றியூர் பகுதியில் ஆட்டோவில் ஏறிய அந்தச் சிறுமியை, முன்னிருக்கையில் அமருமாறு கட்டாயப்படுத்திய ஓட்டுநர், சிறிது நேரத்திலேயே பாலியல் சீண்டலில் ஈடுபட்டுள்ளார். இதனால் அதிர்ச்சியடைந்த மாணவி கூச்சலிடவே, பிடிபட்டுவிடுவோம் என்ற பயத்தில் ஓடும் ஆட்டோவில் இருந்தே அந்தச் சிறுமியை ஓட்டுநர் கீழே தள்ளிவிட்டுத் தப்பிச் சென்றுள்ளார்.

இந்தக் கொடூரச் சம்பவத்தில் மாணவியின் கை மற்றும் கால்களில் காயம் ஏற்பட்டுள்ள நிலையில், அக்கம் பக்கத்தினர் அவரை மீட்டு முதலுதவி சிகிச்சை அளித்தனர். மக்கள் நடமாட்டம் அதிகம் உள்ள நெடுஞ்சாலையில் நடந்த இந்தச் சம்பவம் பெற்றோர்களிடையே கடும் அச்சத்தை உருவாக்கியுள்ளது. தற்போது சிசிடிவி காட்சிகளின் அடிப்படையில் தலைமறைவான ஆட்டோ ஓட்டுநரை போலீசார் தீவிரமாகத் தேடி வருகின்றனர்.