“அதிமுக கோட்டையில் தென்னந்தோப்பு”… எடப்பாடியை வீழ்த்த சசிகலா கையில் எடுத்த புதிய ஆயுதம்… இரட்டை இலைக்கு செக் வைக்கும் பச்சை….!

சசிகலா தனது அரசியல் பயணத்தின் அடுத்த கட்டமாக ‘அண்ணா திராவிட மக்கள் கழகம்’ என்ற புதிய கட்சியைத் தொடங்கியுள்ளார். இந்தக் கட்சிக்குத் தேர்தல் ஆணையத்திடம் இருந்து ‘தென்னந்தோப்பு’ சின்னத்தைப் பெற்றுள்ளார். ஒரு காலத்தில் தமிழக அரசியலில் செல்வாக்கு செலுத்திய அவர், தற்போது மீண்டும் தீவிர அரசியலில் ஈடுபட முடிவு செய்துள்ள நிலையில், இந்தச் சின்னத் தேர்வு அரசியல் வட்டாரத்தில் பெரும் விவாதத்தை ஏற்படுத்தியுள்ளது.

இந்தத் ‘தென்னந்தோப்பு’ சின்னத்தைத் தேர்ந்தெடுத்ததற்குப் பின்னால் மூன்று முக்கிய காரணங்கள் இருப்பதாகக் கூறப்படுகிறது. முதலாவதாக, தென்னை மரம் என்பது தமிழக மக்களின் வாழ்வாதாரத்தோடும், செழிப்போடும் பின்னிப்பிணைந்த ஒன்றாகக் கருதப்படுகிறது. ஒரு தென்னந்தோப்பு எப்படிப் பலருக்குப் பயன் தருகிறதோ, அதேபோல் தனது கட்சியும் மக்களுக்குப் பயனுள்ள திட்டங்களை வழங்கும் என்பதை உணர்த்தவே இந்தச் சின்னம் தேர்வு செய்யப்பட்டுள்ளதாகக் தெரிகிறது.

இரண்டாவதாக, தமிழகத்தின் கிராமப்புற வாக்காளர்களைக் கவர்வது சசிகலாவின் முக்கிய இலக்காக உள்ளது. விவசாயம் மற்றும் கிராமப்புறச் சூழலோடு நெருங்கிய தொடர்புடைய ‘தென்னந்தோப்பு’ சின்னம், பாமர மக்களிடையே எளிதில் சென்றடையும் என்று அவர் நம்புகிறார். அஇஅதிமுக-வின் ‘இரட்டை இலை’ சின்னத்திற்குப் போட்டியாக, அதே சமயம் இயற்கை சார்ந்த ஒரு அடையாளத்தைத் தேடியபோது இது பொருத்தமாக அமைந்தது.

மூன்றாவதாக, இந்தச் சின்னம் ஒரு வலிமையான ஒற்றுமையைக் குறிக்கிறது. தனித்தனி தென்னை மரங்களாக இல்லாமல், ஒரு ‘தோப்பாக’ இருப்பது என்பது தொண்டர்களின் பலத்தையும், ஒற்றுமையையும் வெளிப்படுத்துவதாக அமையும். வரும் தேர்தல்களில் இந்தச் சின்னத்தை முன்வைத்துத் தனது செல்வாக்கை நிலைநிறுத்தவும், பிரிந்து கிடக்கும் அமமுக மற்றும் அதிமுக தொண்டர்களைத் தன் பக்கம் ஈர்க்கவும் சசிகலா திட்டமிட்டுள்ளார்.