பகீர்!… “அந்த ஒரு தவறு… வானில் இருந்து விழுந்து துடிதுடித்து மடிந்த 28 கழுகுகள்”… மனிதர்களின் அலட்சியத்தால் ஒரு இனமே அழியும் அபாயம்.. நெஞ்சை பதறவைக்கும் வீடியோ!

உத்தரப் பிரதேசத்தின் லக்கிம்பூர் பகுதியில் உள்ள வீரா வனச்சரகத்தில், மனிதர்களின் அலட்சியத்தால் சுமார் 28 கழுகுகள் பரிதாபமாக உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. செமரியா கிராமத்திற்கு அருகில் உள்ள ஒரு வயல்வெளியில், விஷம் வைத்து கொல்லப்பட்ட நாயின் உடலை உணவாக உட்கொண்டதே இந்தக் கழுகுகளின் மரணத்திற்கு காரணமாக அமைந்துள்ளது. ஆரம்பத்தில் கழுகுகளின் கூட்டத்தைக் கண்டு ஆர்வத்துடன் புகைப்படம் எடுத்த பொதுமக்களுக்கு, அடுத்த சில நிமிடங்களிலேயே அவை ஒவ்வொன்றாக மயங்கி விழுந்து துடிதுடித்து மடிந்த காட்சி பெரும் சோகத்தையும் அச்சத்தையும் ஏற்படுத்தியது.

சுமார் 40 கழுகுகள் கொண்ட அந்த கூட்டத்தில், 28 கழுகுகள் சம்பவ இடத்திலேயே உயிரிழந்தன; மீதமுள்ள கழுகுகளின் நிலைமையும் கவலைக்கிடமாக இருப்பதாகக் கூறப்படுகிறது. இந்தத் துயரச் சம்பவம் குறித்த தகவல் அறிந்ததும் வனத்துறையினர் விரைந்து வந்து விசாரணையைத் தொடங்கியுள்ளனர். இயற்கையின் துப்புரவாளர்களாகக் கருதப்படும் கழுகுகள், இவ்வாறு விஷம் கலந்த உணவால் கொத்துக்கொத்தாக மடிந்தது இயற்கை ஆர்வலர்களிடையே பெரும் கொந்தளிப்பை ஏற்படுத்தியுள்ளது.