வகுப்பறையில் திடீரெனெ மயங்கி விழுந்த 2 அரசுப்பள்ளி மாணவிகள்… வெளியான அதிர்ச்சி காரணம்..!!

மதுரை மாவட்டத்திலுள்ள ஒரு கிராமத்தில் 12 வயது மாணவிகள் இரண்டு பேர் பத்தாம் வகுப்பு மற்றும் ஒன்பதாம் வகுப்பு படித்து வந்துள்ளார்கள். இவர்கள் இருவரும் நெருங்கிய தோழிகள். இந்த நிலையில் இவர்கள் இருவருக்கும் பள்ளிக்கு செல்ல விருப்பம் இல்லாமல் இருந்து வந்ததாக கூறப்படுகிறது. ஆனால் அவர்களுடைய பெற்றோர்கள் வற்புறுத்தி பள்ளிக்கு அனுப்பி வைத்திருக்கிறார்கள். இந்த நிலையில் நேற்று காலை வழக்கம் போல இரண்டு மாணவிகளும் பள்ளிக்கு சென்றுள்ளார்கள். செல்லும் வழியில் ஒரு கடையில் எறும்பு பொடியை வாங்கி தண்ணீர் கலந்து குடித்ததாக கூறப்படுகிறது.

இதனையடுத்து சிறிது நேரத்தில் இரண்டு மாணவிகளும் வகுப்பறையில் மயங்கி விழுந்துள்ளார்கள். இதை பார்த்த சக மாணவிகள் அதிர்ச்சி அடைந்து ஆசிரியர்களிடம் தெரிவிக்க உடனே அவர்கள் பெற்றோருக்கு தகவல் கொடுத்தார்கள். பிறகு இரண்டு மாணவிகளும் உடனடியாக அரசு மருத்துவமனையில் அனுமதிக்கப்பட்ட நிலையில் அவர்களுக்கு தீவிர சிகிச்சை அளிக்கப்பட்டு வருகிறது. இந்த சம்பவம் பெரும் அதிர்ச்சியை ஏற்படுத்தியுள்ளது.