பத்தாம் வகுப்பு முடித்திருந்தால் போதும்.. மத்திய அரசில் 11,127 காலியிடங்கள்.. மாதச் சம்பளம் ரூ.19,900.. உடனே அப்ளை பண்ணுங்க..!!!

மத்திய ரயில்வே துறையில் அசிஸ்டன்ட் லோகோ பைலட் (ALP) பணிக்காக மொத்தம் 11,127 காலியிடங்களை நிரப்புவதற்கான பிரம்மாண்ட வேலைவாய்ப்பு அறிவிப்பு வெளியாகியுள்ளது. இதற்குத் தகுதியான விண்ணப்பதாரர்கள் 2026 மே 15 முதல் ஜூன் 14 ஆம் தேதி வரை ஆன்லைன் மூலமாக விண்ணப்பிக்கலாம். 10 ஆம் வகுப்பு தேர்ச்சியுடன் ஃபிட்டர், எலக்ட்ரீஷியன் போன்ற பிரிவுகளில் ஐடிஐ (ITI) முடித்தவர்கள் அல்லது மெக்கானிக்கல், எலக்ட்ரிக்கல், எலக்ட்ரானிக்ஸ், ஆட்டோமொபைல் ஆகிய துறைகளில் டிப்ளமோ அல்லது பி.இ/பி.டெக் பட்டம் பெற்றவர்கள் இப்பணிக்கு விண்ணப்பிக்கத் தகுதியுடையவர்கள் ஆவர். 01.07.2026 தேதியின்படி பொதுப் பிரிவினருக்கு 18 முதல் 30 வயதிற்குள் இருக்க வேண்டும்; எஸ்சி, எஸ்டி, ஓபிசி பிரிவினருக்கு அரசு விதிகளின்படி வயது வரம்பில் தளர்வுகள் உண்டு. ஆரம்ப மாதச் சம்பளமாக ரூ.19,900/- நிர்ணயிக்கப்பட்டுள்ளது.

இப்பணிக்கான விண்ணப்பதாரர்கள் கணினி வழி எழுத்துத் தேர்வு, மருத்துவத் தகுதித் தேர்வு மற்றும் சான்றிதழ் சரிபார்ப்பு ஆகிய மூன்று கட்ட சோதனைகளின் அடிப்படையில் தேர்வு செய்யப்படுவார்கள். 10 ஆம் வகுப்பு பாடத்திட்டத்தின் அடிப்படையில் அமையும் இந்த எழுத்துத் தேர்வை தமிழ், ஆங்கிலம், இந்தி உள்ளிட்ட 13 மொழிகளில் எழுதலாம்; எஸ்சி/எஸ்டி பிரிவினருக்கு இலவச இரண்டாம் வகுப்பு ரயில் பயணச் சீட்டும் வழங்கப்படும். விண்ணப்பக் கட்டணமாக இதர பிரிவினருக்கு ரூ.500/- மற்றும் எஸ்சி, எஸ்டி, பெண்கள், மாற்றுத்திறனாளிகள், திருநங்கைகளுக்கு ரூ.250/- என நிர்ணயிக்கப்பட்டுள்ளது. விருப்பமுள்ளவர்கள் ரயில்வே தேர்வு வாரியத்தின் அதிகாரப்பூர்வ இணையதளமான www.rrbchennai.gov.in மூலம் ஜூன் 14, 2026-க்குள் தங்களது விண்ணப்பங்களை ஆன்லைனில் சமர்ப்பிக்கலாம்.