காக்கவைத்து கடுப்பாக்கிய ஸ்ரீகாந்த்… கடைசியில் மணிரதனம் எடுத்த முடிவு… ஆனா உண்மையில் நடந்தது இதுதானாம்!

தமிழில் இயக்குனர் சசி இயக்கிய ரோஜா கூட்டம் திரைப்படத்தின் மூலமாக நடிகராக அறிமுகமானவர் ஸ்ரீகாந்த். அந்த படம் சூப்பர் டூப்பர் ஹிட் ஆனதும் நம்பிக்கைக்குரிய இளம் நடிகராக உருவானார். அடுத்து அவர் நடிப்பில் உருவான ஏப்ரல் மாதத்தில் மற்றும் பார்த்திபன் கனவு ஆகிய திரைப்படங்களும் நல்ல வெற்றியைப் பெற்றன.

ஆனால் அதன் பிறகு தேர்வு செய்து நடித்த படங்கள் எல்லாமே அவருக்கு வெற்றியைப் பெற்றுத் தருவதில்லை.  அதன் பிறகு 10 ஆண்டுகளுக்கும் மேலாக ஒரு வெற்றிக்காக காத்திருக்கிறார். இதற்கிடையில் அவர் தெலுங்கில் சில படங்களில் செகண்ட் ஹீரோவாகவும் நடித்துள்ளார்.

எதுவும் வொர்க் அவுட் ஆகாததால் சில தொலைக்காட்சி நிகழ்ச்சிகளிலும் பங்கேற்க ஆரம்பித்தார். இந்நிலையில் இப்போது அவர் நடித்துள்ள சத்தமின்றி முத்தம் தா என்ற படத்தில் கதாநாயகனாக நடித்துள்ளார். இந்த படமாவது அவருக்கு திருப்புமுனையாக அமையுமா என்ற எதிர்பார்ப்போடு காத்திருக்கிறார்.

இந்நிலையில் ஸ்ரீகாந்த் வளர்ந்து வந்த போது அவருக்கு சில நல்ல படங்களின் வாய்ப்புகள் வந்துள்ளது. ஆனால் சில காரணங்களால் அவர் அந்த படங்களை மிஸ் செய்துள்ளார். அதில் ஆயுத எழுத்து, டிஷ்யும், எம் குமரன், நான் கடவுள் என சில ஹிட் படங்களும் அடக்கம். இதில் ஆயுத எழுத்து படத்தில் தன்னால் ஏன் நடிக்க முடியவில்லை என்பது குறித்து ஸ்ரீகாந்த் பேசியுள்ளார்.

அதில் “ஆயுத எழுத்து படத்தில் சித்தார்த் வேடத்தில் நடிக்க மணிரத்னம் சார் என்னைதான் தேர்வு செய்தார். ஆனால் அப்போது நான் வேறொரு படத்தில் நடித்துவந்தேன். அந்த படம் தாமதமாகிக் கொண்டே வந்தது. அந்த படத்தின் தயாரிப்பாளர் “என் படத்தை முடித்துவிட்டு வேறு எந்த படத்திலும் நடிக்க வேண்டும்” என என்னை மிரட்டினார். இதனால் என்னால் ஆயுத எழுத்து படத்தின் ஷூட்டிங் செல்ல முடியவில்லை. அதனால் என் மேல் கோபமான மணிரத்னம் சார் என்னை நீக்கிவிட்டு சித்தார்த்தை நடிக்கவைத்தார்” என வருத்தத்தைப் பதிவு செய்துள்ளார்.