அதுக்கு சர்ஜரி பண்ணிட்டு வர சொன்னாங்க.. தப்பான முடிவு எடுத்துட்டோமோன்னு ஆட்டோல உட்கார்ந்து அழுதேன்.. கஷ்டங்களை பகிர்ந்த சீரியல் நடிகை..!!

விஜே தனுஷிக் விஜயகுமார் ஸ்ரீலங்காவை சேர்ந்தவர். இவர் அங்கு மீடியா துறையில் வேலை பார்த்துள்ளார். பின்னர் தன் வாழ்வில் பெரிய லட்சியங்களை அடைய வேண்டும் என்பதற்காக வாய்ப்பு தேடி சென்னைக்கு வந்துள்ளார். அங்கு தான் அனுபவித்த கஷ்டங்கள் குறித்து விஜே தனுஷிக் விஜயகுமார் ஒரு இன்டர்வியூவில் கூறியுள்ளார். விஜே தனுஷிக் விஜயகுமார் கூறியதாவது, நான் வாய்ப்பு தேடி முதலில் சென்னைக்கு வந்தபோது வாய்ப்பு கிடைக்கவில்லை.

நான் ஸ்ரீலங்காவில் இருக்கும் போது பிரபல தொலைக்காட்சி நிகழ்ச்சி மற்றும் சீரியலில் நடிக்க வாய்ப்பு கிடைத்தது. ஆனால் அது கொரோனா காலகட்டம் என்பதால் என்னால் வர முடியவில்லை. இதனால் அந்த வாய்ப்பை தவறவிட்டேன். அதன் பிறகு நான் வாய்ப்பு தேடி சென்னைக்கு வந்தபோது வாய்ப்பு கிடைக்காமல் சாப்பாடு தூக்கம் இல்லாமல் தவித்தேன். அதன் பிறகு தான் அன்பே வா சீரியலில் ஜோதி கதாபாத்திரத்தில் நடிக்க எனக்கு வாய்ப்பு கிடைத்தது.

அந்த சிறிய வாய்ப்பை பயன்படுத்திக் கொண்டேன். அதன் பிறகு நீ நான் காதல் சீரியலில் நடித்தேன். பின்னர் கார்த்திகை தீபம் சீரியலில் நடித்தேன். எனது தோழியின் வீட்டில் தங்கி இருந்து தான் வாய்ப்பு தேடி அலைந்தேன். ஒரு முறை பிரபல தொலைக்காட்சி நிகழ்ச்சியில் தொகுப்பாளர் வேலைக்கான ஆடிஷன் நடைபெற்றது. அதில் கலந்து கொண்டேன். நான் அப்போது கொஞ்சம் chubby- ஆக இருப்பேன்.

அந்த தொலைக்காட்சியில் தொகுப்பாளியாக வேலை பார்க்க நான் குண்டாக இருந்ததால் சர்ஜரி பண்ணிட்டு வரீங்களா அப்படின்னு கூட என்னிடம் கேட்டார்கள். வாய்ப்பு இல்லை என்று கூறிவிட்டால் பரவாயில்லை. சர்ஜரி பண்ணிட்டு வருமாறு கூறியது தான் வேதனை. உருவ கேலி செய்வதை நினைத்து வருந்தினேன். பின்னர் நினைத்து ஆட்டோவில் உட்கார்ந்து அழுதேன். தவறான முடிவு எடுத்து விட்டோமோ என நினைத்தேன். அதன் பிறகு தான் அன்பே வா சீரியல் நடிக்க வாய்ப்பு கிடைத்து. இப்போது அடுத்த அடுத்த சீரியல்களில் நடித்துக் கொண்டிருக்கிறேன் என உருக்கமாக பேசியுள்ளார்.