‘பாண்டியன் ஸ்டோர்ஸ்’ சீரியல் நடிகர், நடிகை கீர்த்தி சுரேஷுடனா?… இது எப்ப நடந்துச்சு… வைரலாகும் புகைப்படம் இதோ…

‘பாண்டியன் ஸ்டோர்ஸ்’ கதிர் நடிகை கீர்த்தி சுரேஷ் இணைந்து எடுத்துக் கொண்ட புகைப்படத்தை வெளியிட்டு அவருக்கு பிறந்தநாள் வாழ்த்து கூறியுள்ளார். தற்போது இந்த புகைப்படங்கள் இணையத்தில் வெளியாகியுள்ளன.

தமிழ், தெலுங்கு, மலையாளம், ஹிந்தி என அனைத்து மொழிகளிலும் டாப் ஹீரோக்களுக்கு ஜோடியாக நடித்த கலக்கி வருபவர் நடிகை கீர்த்தி சுரேஷ். இவர் தற்பொழுது இயக்குனர் மாரி செல்வராஜ் இயக்கத்தில் உருவாகி வரும் ‘மாமன்னன்’ திரைப்படத்திலும் நானிக்கு ஜோடியாக ‘தசரா’ திரைப்படத்திலும் நடித்து வருகிறார்.

தமிழில் இவர் ‘இது என்ன மாயம்’ என்ற திரைப்படத்தில் ஹீரோயினாக அறிமுகமானார். இதைதொடர்ந்து பட வாய்ப்புகள் இன்றி இருந்த அவர் நடிகர் சிவகார்த்திகேயன் நடிப்பில் வெளியான ரஜினி முருகன், ரெமோ போன்ற திரைப்படங்களில் நடித்தார். இதன் மூலம் ரசிகர்கள் மத்தியில் பிரபலமானார்.

இறுதியாக சூப்பர் ஸ்டார் ரஜினிகாந்தின் ‘அண்ணாத்த’ திரைப்படத்தில் அவருக்கு தங்கையாக நடித்திருந்தார். நடிகை கீர்த்தி சுரேஷ் நேற்று தனது பிறந்தநாளை கொண்டாடினார். அவருக்கு திரை பிரபலங்கள் பலரும் வாழ்த்துக்களை தெரிவித்துள்ளனர்.

அதேபோல சின்னத்திரை பிரபலங்களும் நடிகை கீர்த்தி சுரேஷுக்கு தங்களுடைய வாழ்த்துக்களை தெரிவித்தனர். அந்த வகையில் பாண்டியன் ஸ்டோர்ஸ் நடிகரான குமரன் நடிகை கீர்த்தி சுரேஷ் உடன் எடுத்துக்கொண்ட புகைப்படத்தை பதிவு செய்து தன்னுடைய பிறந்தநாள் வாழ்த்தை கூறியுள்ளார். இந்த புகைப்படம் தற்பொழுது இணையத்தில் வெளியாகி வைரலாகி வருகிறது.