கஜானாவில் பைசா இல்லாததால் விடாமுயற்சி-யை கிடப்பில் போட்ட LYCA.. காசுக்காக பெரிய தலையை நம்பி இருக்கும் அவலம்..

கடந்த ஒரு வருட காலத்திற்கும் மேலாக எடுக்கப்பட்டு வரும் படம் தான் “விடா முயற்சி”. இப்படத்தை லைக்கா நிறுவனம் தயாரிக்க மகிழ் திருமேனி அவர்கள் இயக்கத்தில் அஜித் மற்றும் திரிஷா நடித்து வருகிறார்கள். கிட்டத்தட்ட ஒரு வருட காலத்திற்கு மேலாக இப்படம் எடுக்கப்பட்டு வருகிறது, கடந்த வருடம் அஜித்தின் பிறந்த நாளான மார்ச் 1ஆம் தேதி அன்று படத்தின் டைட்டிலையும் ஃபர்ஸ்ட் லுக் போஸ்டரையும் வெளியிட்டு இருந்தார்கள். அதன்பின் நீண்ட காலமாக படம் இயக்காமல் கிடப்பிலே போட்டு வைக்கப்பட்டது.

இரண்டு மாதம் கழித்து மீண்டும் துவங்கி டிசம்பர் மாத சமயத்தில் படத்தை மறுபடியும் ஓரம் கட்டி வைத்தார்கள். அந்த சமயத்தில் அஜித் அவர்கள் தன் பைக்கை எடுத்துக்கொண்டு உலக பயணத்திற்கு ட்ரிப் சென்று விட்டார். அதன் பின் மீண்டும் ஜனவரி மாதத்திற்கு பிறகு படம் ஆரம்பிக்கப்பட்டு தற்போது சில பல பணப் பிரச்சனையால் லைக்கா நிறுவனத்தால் இப்படத்தை நிறுத்தி வைக்கப்பட்டுள்ளது. ஜெய் பீம் போன்ற மாபெரும் படங்களை இயக்கிய டி.ஜே ஞானவேல் அவர்கள் இயக்கத்தில் ரஜினிகாந்த் நடிப்பில் உருவாக்கிக் கொண்டிருக்கும் படம் தான் “வேட்டையன்”.

இப்படத்தையும் லைக்கா நிறுவனம் தான் தயாரித்து வருகிறது, தற்போது இப்படத்திற்கும் பட்ஜெட் பிரச்சினையால் அவ்வப்போது நிறுத்தி வைக்கப்பட்டிருந்தது, ஆனால் தற்போது படப்பிடிப்பு மீண்டும் விறுவிறுப்பாக எடுக்கப்பட்டு வருகிறது. அஜித் நடிக்கும் விடாமுயற்சி படத்தையும், ரஜினி நடிக்கும் வேட்டையன் படத்தையும் லைக்கா நிறுவனம் தயாரித்து வந்தது, ஆனால் ஒரே சமயத்தில் இரண்டு மாபெரும் நடிகர்களின் படத்தை தயாரிப்பதினால் ஏற்பட்ட பண நெருக்கடியால், அஜித் படமான விடாமுயற்சி படத்தை தற்போது ஓரங்கட்டி வைத்துவிட்டு,

ரஜினி நடிக்கும் வேட்டையன் படத்தை கையில் எடுத்துக் கொண்டு தயாரித்து வருகிறார்கள் லைக் நிறுவனம். நடப்பதை பார்த்தால் விடாமுயற்சி படம் வலிமை படத்தின் அப்டேட்டை கேட்டு ரசிகர்கள் பின்னால் திரிவது போல் இப்படமும் ஆகிவிடும் போலிருக்கிறது. அஜித் நடிக்கும் எல்லா படமும் இது போல தான் தாமதமாகி கொண்டு இருக்கிறது, இப்படி போனால் விடாமுயற்சி படம் எப்போது தான் திரைக்கு வரும் என்று பலரும் விமர்சித்து வருகிறார்கள்.