அய்யய்யோ நான் அப்படி சொல்லவே இல்ல.. பதறிப்போன சாய் பல்லவி கொடுத்த விளக்கம்.. என்ன விஷயம் தெரியுமா..?

முன்னணி நடிகையான சாய்பல்லவி மலையாளத்தில் ரிலீசான பிரேமம் திரைப்படத்தின் மூலம் என்ட்ரி கொடுத்தார். மேக்கப் இல்லாத முகம் சிம்பிள் ஆனா லுக்கில் மலர் கதாபாத்திரத்தில் ரசிகர்களை சாய்பல்லவி வெகுவாக கவர்ந்தார். மலையாளம் மட்டும் இல்லாமல் தெலுங்கு, தமிழ் திரை உலகில் சாய்பல்லவி முன்னணி நடிகையாக வலம் வருகிறார்.

பிடா, சியாம் சிங்கராய் உள்ளிட்ட படங்களில் சாய்பல்லவி நடிப்பு அருமையாக இருந்தது. தமிழில் கார்கி, மாரி 2 ஆகிய  படங்களில் சாய் பல்லவி நடித்தார். இதுவரை முன்னணி நடிகர்களான விஜய். அஜித் ஆகியோரின் படங்களில் நடிக்க சாய் பல்லவிக்கு வாய்ப்பு கிடைக்கவில்லை.

தற்போது தெலுங்கில் நாக சைதன்யாவுடன் இணைந்து தண்டல் படத்திலும், தமிழில் சிவகார்த்திகேயனுடன் இணைந்து அமரன் படத்திலும் சாய்பல்லவி நடித்துக் கொண்டிருக்கிறார். முன்னணி நடிகர்களுடன் நடிக்கும் வாய்ப்பை சாய்பல்லவி தான் நிராகரித்தார் என்று வதந்தி பரவியது. அதற்கு முற்றுப்புள்ளி வைக்கும் விதமாக சாய் பல்லவி கூறியதாவது, பொதுவாக நாங்கள் வதந்திகளுக்கு பதில் சொல்வதில்லை.

அப்படி சொல்லினால் அது கூடுதல் பலம் பெரும். வதந்திகளுக்கு பதில் கொடுத்துக் கொண்டே இருந்தால் அது என் வேலையை பாதிக்கும். இதுவரை அஜித், விஜய் ஆகியோரின் படங்களை நான் நிராகரித்ததே கிடையாது. அது முற்றிலும் வதந்தி தான். முன்னணி நடிகர்களான அஜித், விஜயுடன் நடிக்கும் வாய்ப்பு கிடைத்தால் நான் மிஸ் பண்ணவே மாட்டேன் என கூறியுள்ளார்.