சிவகார்த்திகேயனின் அடுத்த படம்.. லீக்கானா படத்தின் டைட்டில்.. பேர கேட்டா நீங்களே ஷாக் ஆயிடுவீங்க..!

நடிகர் சிவகார்த்திகேயனின் அடுத்த திரைப்படத்தின் டைட்டில் மற்றும் படத்தில் நடிப்பவர்கள் குறித்து தகவல் வெளியாகி இருக்கின்றது.

தமிழ் சினிமாவில் தொடர்ந்து முன்னணி நடிகர்களில் ஒருவராக வலம் வருபவர் நடிகர் சிவகார்த்திகேயன். விஜய் டிவியில் தொகுப்பாளராக பணியாற்றி வந்த இவர் தற்போது படிப்படியாக முன்னேறி டாப் நடிகர்களில் ஒருவராக வளம் வருகின்றார். தொடர்ந்து ஹிட் படங்களை கொடுத்து வருகின்றார் .

வருத்தப்படாத வாலிபர் சங்கம் என்ற திரைப்படத்தின் மூலமாக பிரபலமான இவர் அதன் பின்னர் நடித்த படங்கள் அனைத்துமே ஹிட்டுதான். ஒரு சில திரைப்படங்கள் தோல்வியை சந்தித்தாலும் மக்கள் மத்தியில் இவர் நல்ல வரவேற்பை பெற்றிருக்கின்றார். நடிகராக மட்டும் இல்லாமல் தயாரிப்பாளர், பாடகர், பாடலாசிரியர் என பன்முகத்தன்மை கொண்டவராக மாறி இருக்கின்றார். கனா என்ற திரைப்படத்தின் மூலமாக தயாரிப்பாளராக அறிமுகமான இவர் பல திரைப்படங்களை தயாரித்தும் வருகின்றார்.

அது மட்டும் இல்லாமல் தற்போது ராஜ்குமார் பெரியசாமி இயக்கத்தில் அமரன் என்ற திரைப்படத்தில் நடித்து முடித்திருக்கின்றார். இந்த திரைப்படத்தை ராஜ்கமல் ஃபிலிம் பேக்டரி தயாரித்து இருக்கின்றது. இந்த படம் முழுக்க முழுக்க ராணுவ வீரர்களின் கதையை மையமாக வைத்து எடுக்கப்பட்டுள்ளது. இதைத் தொடர்ந்து ஏ ஆர் முருகதாஸ் இயக்கத்தில் எஸ்கே 23 என்ற திரைப்படத்தில் நடித்து வருகின்றார் சிவகார்த்திகேயன்.

இப்படத்தை முடித்துவிட்டு அடுத்ததாக எந்த திரைப்படத்தில் நடிக்கப் போகிறார் என்று தொடர்ந்து கேள்வி எழும்பி வந்தது. ஏனென்றால் அடுத்ததாக வெங்கட் பிரபு, சுதா கொங்குரா, சிபி சக்கரவர்த்தி உள்ளிட்ட மூன்று இயக்குனர்கள் கதை கூறியுள்ள நிலையில் இவர்களின் யாருடைய திரைப்படத்தில் சிவகார்த்திகேயன் நடிப்பார் என்று எதிர்பார்க்கப்பட்டு வருகின்றது.

அந்த வகையில் தற்போது டான் திரைப்படத்தை இயக்கிய சிபி சக்கரவர்த்தியுடன் தான் அடுத்த திரைப்படத்தில் கமிட்டாகி இருக்கின்றார். சிவகார்த்திகேயன் இந்த திரைப்படத்தில் ஹீரோவாக சிவகார்த்திகேயன் நடிக்க அவருக்கு ஜோடியாக ராஷ்மிகா மந்தனா நடிக்கின்றாராம். மேலும் எஸ் ஜே சூர்யாவும் இந்த திரைப்படத்தை இணைந்து இருப்பதாக கூறப்படுகின்றது. தற்போது இப்படத்தின் பெயர் வைத்திருக்கிறார்கள். இப்படத்திற்கு பாஸ் என்று பெயர் வைத்திருக்கிறார்கள்.