மாமியார் தலையில் திரும்பவும் மிளகா அரைக்க பார்க்கும் மருமகன்.. அடுத்த படத்துக்கு ரெடியான ஜெயம்ரவி..

தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் ஜெயம் ரவி. இவர் நடிப்பு இறுதியாக பெரிதும் பொன்னியின் செல்வன் திரைப்படத்தில் பேசப்பட்டது. இதைத்தொடர்ந்து கடந்த வருடம் வெளியான அகிலன் மற்றும் இறைவன் படங்கள் விமர்சன ரீதியாகவும் வசூல் ரீதியாகவும் படுதோல்வியை சந்தித்தன. இந்நிலையில் கடந்த வாரம் ரிலீசான ‘சைரன் 108’ படமும் விமர்சன ரீதியாகவும், வசூல் ரீதியாகவும் நல்ல வரவேற்பை பெறவில்லை.

இத்திரைப்படத்தில் ஜெயம் ரவி, கீர்த்தி சுரேஷ், அனுபமா பரமேஸ்வரன், சமுத்திரகனி உள்ளிட்ட பலர் நடித்துள்ளனர். பாசிட்டிவான விமர்சனங்கள் படத்துக்கு கிடைத்த நிலையில், பாக்ஸ் ஆபிஸில் சைரன் திரைப்படம் கல்லா கட்டியதா? என்கிற கேள்விக்கு பதில் இல்லை என்பது தான். மேலும் இந்த படத்தை நடிகர் ஜெயம் ரவியின் மாமியார் சுஜாதா விஜய்குமார் தான் தயாரித்துள்ளார். இத்திரைப்படத்தின் மொத்த பட்ஜெட் 30 கோடி ரூபாய் எனவும் கூறப்படுகிறது.

ஜெயம் ரவியின் மாமியார் சுஜாதா விஜய்குமார் ஹோம் மூவி மேக்கர்ஸ் நிறுவனத்தை நடத்தி வருகிறார்.  மருமகன் ஜெயம் ரவியை வைத்து இதற்கு முன்னதாக ‘அடங்கமறு’ படத்தை தயாரித்த போது நல்ல வெற்றியும் வசூலும் கிடைத்தது. அதன் பின்னர் ‘பூமி’ படத்தை அவரது மாமியார் தயாரித்தார். ஆனால், அந்த படம் படுதோல்வியை சந்தித்தது.

இந்நிலையில், சைரன் திரைப்படம் ஒரு வாரத்தில் 8 கோடி செய்துள்ளது என்றும், அதிகபட்சமாக 10 முதல் 15 கோடி வரை வசூல் இருக்கலாம் என்றும் கூறப்படுகிறது. இதன்மூலம் அவருக்கு கடுமையான நஷ்டம் ஏற்பட்டுள்ளது. இந்நிலையில், ஜெயம் ரவி நடிக்கும் இன்னொரு படத்தையும் அவர் தயாரிக்க முன் வந்துள்ளார். அடங்கமறு படத்தின் இயக்குநர் கார்த்திக் தங்கவேல்  6 ஆண்டுகள் கழித்து மீண்டும் ஜெயம் ரவியை வைத்து படம் இயக்க போகிறாராம். இந்த படத்தையும் ஜெயம் ரவியின் மாமியார் தான் தயாரிக்க போகிறாராம்.