கும்பகோணம் பேருந்து நிலையத்தில், ஆன்லைனில் முன்பதிவு செய்திருந்தும் அரசு விரைவுப் பேருந்து தங்களை ஏற்றாமல் சென்றுவிட்டதாகக் கூறி பெண் ஒருவர் 2 குழந்தைகளுடன் தர்ணா போராட்டத்தில் ஈடுபட்ட வீடியோ எக்ஸ் தளத்தில் வைரலாகி வருகிறது.
அதில் பேசும் அப்பெண், “நான் இரண்டு குழந்தைகளுடன் தவித்துக்கொண்டிருக்கிறேன். அரசு சம்பளம் வாங்கிக் கொண்டு மக்களுக்கு வேலை செய்ய மாட்டீர்களா?” எனக் கண்ணீருடன் ஆதங்கத்தைக் வெளிப்படுத்தியுள்ளார்.
இந்தச் சம்பவத்திற்குச் சமூக வலைதளங்களில் பொதுமக்கள் கடும் கண்டனம் தெரிவித்து வருகின்றனர். ‘அரசுப் பேருந்துகளைப் பயன்படுத்தும் பொதுமக்களின் சிரமங்களைப் புரிந்து கொண்டு போக்குவரத்துத் துறை உரிய நடவடிக்கை எடுக்க வேண்டும்’ என்றும், அதிகாரிகளின் அலட்சியப் போக்கைக் கண்டித்தும் நெட்டிசன்கள் கருத்துகளைப் பதிவிட்டு வருகின்றனர்.
