முதலமைச்சர் விஜய் மற்றும் நடிகை த்ரிஷா குறித்து முகநூலில் அவதூறாகவும் அநாகரிகமாகவும் கருத்துத் தெரிவித்ததாகத் தொடரப்பட்ட வழக்கில், திமுகவைச் சேர்ந்த உதயநிதி என்பவரைக் காவல்துறை அதிகாரிகள் திடீரெனக் கைது செய்துள்ளனர். உதயநிதியைக் கைது நடவடிக்கைக்குத் தடை விதிக்கக் கோரி சென்னை உயர்நீதிமன்றத்தில் அவசர மனுத் தாக்கல் செய்யப்பட்டிருந்தது. இன்று நண்பகல் 12 மணி வரை எந்தவிதக் கைது நடவடிக்கையும் எடுக்கக் கூடாது என நீதிபதி தெரிவித்திருந்த சூழலில், அதற்கு முன்னதாகவே போலீசார் இந்த அதிரடி நடவடிக்கையை மேற்கொண்டுள்ளனர்.
நீதிமன்ற உத்தரவை மீறிக் கைது நடவடிக்கையில் ஈடுபட்டதைக் கண்டித்து, காவல் வாகனத்தைச் சூழ்ந்து திமுக நிர்வாகிகள் மற்றும் தொண்டர்கள் திரளாக முற்றுகையிட்டுப் போராட்டத்தில் ஈடுபட்டதால் அப்பகுதியில் கடுமையான பதற்றமும் பரபரப்பும் ஏற்பட்டது. இந்தச் சம்பவம் தொடர்பாகவும் போலிஸாரின் அவசரக் கைது குறித்தும் உயர்நீதிமன்றத்தில் மீண்டும் முறையீடு செய்ய வழக்குரைஞர்கள் ஆயத்தமாகி வருகின்றனர்.