பிக் பாஸ் வீட்டில் இந்த வாரம் எலிமினேட் ஆகப்போவது இவங்க தானா…. இணையத்தில் கசிந்த முடிவுகள் இதோ…

By Begam

Published on:

பிக் பாஸ் நிகழ்ச்சியில் இந்த வாரம் எலிமினேட் செய்யப்படுபவர்களை பற்றிய தகவல் இணையத்தில் வெளியாகி உள்ளது.

பிக் பாஸ் நிகழ்ச்சியில் 6வது சீசன் கடந்த 9ம் தேதி தொடங்கிய நிலையில் தற்பொழுது வெற்றிகரமாக இரண்டாவது வாரத்தை கடக்க உள்ளது. இதில் 20 போட்டியாளர்கள் முதலில் கலந்து கொண்ட நிலையில் 21 வது போட்டியாளராக வைல்ட் கார்டு என்ட்ரி  மூலம் மைனா நந்தினி கலந்து கொண்டார்.

   

போட்டியாளர்கள் அனைவரும் எந்த அளவிற்கு ஒற்றுமையாக இருக்கின்றார்களோ அந்த அளவிற்கு நாளுக்கு நாள் சண்டை, கோபம், அழுகை, பாசம் ,காதல் என உணர்ச்சிகளும் அதிகரித்து கொண்டே இருக்கின்றது. இந்நிகழ்ச்சி ஒளிபரப்பாக ஆரம்பித்த நாளிலிருந்து மக்களிடம் நல்ல வரவேற்பு பெற்று வருகிறது.

இப்போட்டியில் யார் வெற்றியாளராக தேர்ந்தெடுக்கப்படுவார் என்பதை நாம் பொறுத்திருந்துதான் பார்க்க வேண்டும். எனினும் 100 நாட்கள் உள்ளே இருந்து வெற்றியாளராக வருவார் என்று ரசிகர்களால் எதிர்பார்க்கப்பட்ட ஜி பி முத்து தற்பொழுது வீட்டை விட்டு வெளியேறுகிறார் என்று வீடியோ இணையத்தில் வெளியாகி பரபரப்பாகி வருவது நாம் அறிந்த ஒன்றே.

இந்நிலையில் இந்த வாரம் பிக் பாஸ் வீட்டில் இருந்து யார் யாரெல்லாம் வெளியேற இருக்கிறார்கள் என்பதை பற்றிய தகவலை அறிந்து கொள்ள ரசிகர்கள் ஆர்வத்துடன் இருக்கின்றனர். அதன்படி தற்பொழுது 4 போட்டியாளர்கள் குறைவான வாக்குகளுடன் இருப்பதாக இணையத்தில் தகவல்கள் வெளியாகி உள்ளது.

ஷெரினா, ஷிவின், மகேஷ்வரி மற்றும் சாந்தி இவர்கள் நால்வரும் குறைந்த வாக்குகளுடன் பிக் பாஸ் வீட்டில் இருப்பவர்கள். ஏற்கனவே மகேஸ்வரி அனைவர் விஷயத்திலும் மூக்கை நுழைத்துக் கொண்டிருக்கிறார் என்றும், பிக் பாஸ் வீட்டின் அடுத்த வனிதா என்றும் கூறப்பட்டார்.

இவரை பிக் பாஸ் வீட்டை விட்டு முதலில் வெளியேற்ற வேண்டும் என்று ரசிகர்கள் கூறி வந்த நிலையில் தற்போது சாந்தி குறைந்த வாக்குகளுடன் வெளியேற அதிக வாய்ப்பு இருப்பதாக ரசிகர்களால் கூறப்படுகிறது. ஆனால் இதைப் பற்றிய தெளிவான விவரம் நமக்கு தெரியவில்லை.