தெலுங்கானாவில் உள்ள மூசி ஆற்றுக் கால்வாயில் இந்தியத் தேசியக் கொடிகள் குப்பைகளுடன் வீசப்பட்டுக் கிடக்கும் அவலமான காட்சி சமூக வலைதளங்களில் வெளியாகி பெரும் வேதனையை ஏற்படுத்தியுள்ளது. தேசபக்தி என்பது சுதந்திர தினம் அல்லது குடியரசு தினம் ஆகிய நாட்களில் மட்டும் மூவர்ணக் கொடியை ஏந்திப் பெருமைப்படுவதில் இல்லை; மாறாக, தேசியச் சின்னங்களை ஒவ்வொரு நாளும் உரிய மரியாதையுடன் நடத்துவதிலேயே அடங்கியுள்ளது. கொண்டாட்டங்கள் முடிந்தவுடன் நமது அடையாளமான தேசியக் கொடியைக் கால்வாயில் வீசுவது தேசியக் கொடிச் சட்டத்தின்படி குற்றமாகும்.
“Indian national flags in the garbage.” 🇮🇳
Patriotism doesn’t lie in hoisting “Tiranga” only on 15 August or 26 January. Honor it daily.
This is the condition of our national flags found in the Musi River canal, Telangana. pic.twitter.com/ISdkd0u1Kf
— Suraj Kumar Bauddh (@SurajKrBauddh) January 7, 2026
நமது நாட்டின் கௌரவமாகத் திகழும் தேசியக் கொடியை முறையாக அப்புறப்படுத்த வேண்டிய வழிமுறைகள் குறித்து மக்களிடையே விழிப்புணர்வு ஏற்பட வேண்டியது அவசியமாகும். சேதமடைந்த அல்லது அழுக்கான கொடிகளைத் பொது இடங்களில் வீசாமல், அவற்றை உரிய கௌரவத்துடன் தனியாகத் தகனம் செய்வதோ அல்லது மண்ணில் புதைப்பதோ மட்டுமே சட்டப்படி சரியான முறையாகும். இந்தச் சம்பவம் குறித்து அதிகாரிகள் உரிய விசாரணை நடத்தி, தேசியக் கொடியை அவமதித்தவர்கள் மீது கடுமையான நடவடிக்கை எடுக்க வேண்டும் எனப் பொதுமக்கள் கோரிக்கை விடுத்துள்ளனர்.