தமிழக அரசியலில் அடுத்தகட்ட நகர்வாக, தேசிய ஜனநாயகக் கூட்டணியில் (NDA) இணைவதற்கு பாமக தலைவர் அன்புமணி ராமதாஸ் சம்மதம் தெரிவித்துள்ளதாகத் தகவல்கள் வெளியாகியுள்ளன. இது தொடர்பாக அதிமுக பொதுச்செயலாளர் எடப்பாடி பழனிசாமி மற்றும் அன்புமணி ராமதாஸ் ஆகியோர் இணைந்து, பொங்கல் பண்டிகைக்குப் பிறகு அதிகாரப்பூர்வ அறிவிப்பை வெளியிடுவார்கள் என எதிர்பார்க்கப்படுகிறது.
இந்தக் கூட்டணி உறுதியானதன் அறிகுறியாகத் தொகுதிப் பங்கீடு குறித்த நகர்வுகளும் இப்போதே தொடங்கியுள்ளன. அதன் ஒரு பகுதியாக, மயிலம் தொகுதியின் தற்போதைய பாமக எம்.எல்.ஏ சிவக்குமார், வரும் தேர்தலில் விக்கிரவாண்டி தொகுதியில் போட்டியிட விருப்பமனு அளித்துள்ளார். அதேபோல், மயிலம் தொகுதியில் அதிமுக சார்பில் முன்னாள் அமைச்சர் சி.வி. சண்முகம் போட்டியிட உள்ளதாகவும் கூறப்படுகிறது. இந்த அரசியல் மாற்றங்கள் தமிழகக் கூட்டணி அரசியலில் பெரும் பரபரப்பை ஏற்படுத்தியுள்ளன.