திமுகவை வலுப்படுத்தும் நோக்கில் புதிதாக நியமிக்கப்பட்ட மறுசீரமைப்புப் பிரதிநிதிகள் இன்று முதல் தங்களது களப்பணிகளைத் தொடங்குகின்றனர். கட்சித் தலைவர் மு.க.ஸ்டாலின் அறிவுறுத்தலின்படி, மாவட்ட வாரியாகச் சென்று உள்ளூர் நிர்வாகிகளையும் தொண்டர்களையும் நேரில் சந்தித்துப் பேச்சுவார்த்தை நடத்த விரிவான ஏற்பாடுகள் செய்யப்பட்டுள்ளன.
வரவிருக்கும் உள்ளாட்சித் தேர்தலில் போட்டியிடும் தகுதியான வேட்பாளர்களை அடையாங் கண்டு தேர்வு செய்வதில் இந்த பிரதிநிதிகளின் பரிந்துரைகளே முக்கியப் பங்கு வகிக்கும் எனக் கூறப்படுகிறது. இதற்காகத் தமிழகம் முழுவதிலும் உள்ள உட்கட்சி மாவட்டங்களைக் கணக்கில் கொண்டு, மாவட்டத்திற்கு தலா இரண்டு பேர் வீதம் மொத்தம் 76 அனுபவமிக்க நிர்வாகிகள் நியமிக்கப்பட்டு இப்பணியில் ஈடுபடுத்தப்பட்டுள்ளது குறிப்பிடத்தக்கது.