பகீர்.! அமெரிக்காவின் “போலியான” போர் அம்பலம்..! “ஈரானால் ஆபத்தே இல்லை.. இஸ்ரேலுக்காகவே இந்த பலி” ஜோ கென்ட்டின் ராஜினாமா கடிதத்தில் அதிர்ச்சியூட்டும் உண்மைகள்..!!

அமெரிக்காவின் தேசிய பயங்கரவாத எதிர்ப்பு மையத்தின் (NCTC) இயக்குநராக இருந்த ஜோ கென்ட் (Joe Kent), ஈரான் உடனான போருக்கு எதிர்ப்பு தெரிவித்து மார்ச் 17, 2026 அன்று தனது பதவியை ராஜினாமா செய்துள்ளார். தனது ராஜினாமா கடிதத்தில், “என்னால் எனது மனசாட்சிக்கு விரோதமாக இந்த போரை ஆதரிக்க முடியாது” என்று அவர் குறிப்பிட்டுள்ளார். அதிபர் டொனால்ட் ட்ரம்ப் நிர்வாகத்தில் ஈரான் போருக்கு எதிர்ப்பு தெரிவித்து விலகிய மிக முக்கியமான மற்றும் மூத்த அதிகாரி இவராவார்.

ஈரானால் அமெரிக்காவிற்கு உடனடி ஆபத்து ஏதுமில்லை என்றும், இந்த போர் தேவையற்றது என்றும் ஜோ கென்ட் பகிரங்கமாகக் குற்றம் சாட்டியுள்ளார். குறிப்பாக, இஸ்ரேல் மற்றும் அதன் செல்வாக்கு மிக்க ஆதரவு குழுக்களின் அழுத்தத்தின் காரணமாகவே அமெரிக்கா இந்த போரில் தள்ளப்பட்டுள்ளது என்று அவர் தெரிவித்துள்ளார். ஈரானிய பாதுகாப்பு அதிகாரி அலி லாரிஜானி மற்றும் தளபதி கோலம் ரேசா சுலைமானி ஆகியோர் கொல்லப்பட்டதைத் தொடர்ந்து போர் பதற்றம் அதிகரித்துள்ள சூழலில் இந்த அதிரடி ராஜினாமா நிகழ்ந்துள்ளது.

ஜோ கென்ட்டின் இந்த முடிவை விமர்சித்துள்ள அதிபர் ட்ரம்ப், அவர் பாதுகாப்பில் பலவீனமானவர் என்றும் அவர் வெளியேறுவது நல்லது என்றும் கூறியுள்ளார். முன்னாள் ராணுவ வீரரான ஜோ கென்ட், இப்போரை 2003-ம் ஆண்டு ஈராக் போருடன் ஒப்பிட்டு, இது அமெரிக்க மக்களுக்கு எந்த நன்மையும் தராது என்றும் எச்சரித்துள்ளார். இதுவரை இந்தப் போரினால் ஈரானில் 1,300 பேரும், லெபனானில் 880 பேரும் உயிரிழந்துள்ளதாகத் தரவுகள் தெரிவிக்கின்றன