டெல்டா பாசனத்திற்காக மேட்டூர் அணையைத் திறந்து வைப்பதற்காகத் தமிழக முதல்வர் விஜய், சேலத்தில் இருந்து சாலை மார்க்கமாக மேட்டூர் நோக்கித் தனது கான்வாய் வாகனத்தில் சென்று கொண்டிருந்தபோது எதிர்பாராதவிதமாக ஒரு விபத்து தவிர்க்கப்பட்ட சம்பவம் பெரும் பரபரப்பை ஏற்படுத்தியுள்ளது.
முதல்வர் சென்ற வாகனம் வேகமாக வந்துகொண்டிருந்த வேளையில், திடீரென நபர் ஒருவர் சாலையைக் கடப்பதற்காக வாகனத்திற்கு மிக அருகே பாய்ந்து வந்து விபத்தில் சிக்க நேர்ந்தது. இதைக் கண்ட முதல்வர் வாகனத்தின் ஓட்டுநர், தனது சாதுர்யத்தால் கண்ணிமைக்கும் நொடியில் வாகனத்தை லாவகமாக வளைத்து திருப்பினார். அதே நேரத்தில், பாதுகாப்பு வாகனத்தில் வந்த கமாண்டோ பாதுகாவலர்களும் சாதுர்யமாகச் செயல்பட்டு அந்த நபரைப் பாதுகாப்பாக மீட்டு அப்புறப்படுத்தினர்.
ஓட்டுநரின் சுதாரிப்பான நடவடிக்கையினாலும், பாதுகாவலர்களின் அதிவேக மீட்பினாலும் பெரும் அசம்பாவிதம் நல்வாய்ப்பாகத் தவிர்க்கப்பட்டது. இச்சம்பவம் தொடர்பான பதைபதைக்க வைக்கும் வீடியோ காட்சிகள் தற்போது சமூக வலைத்தளங்களில் வெளியாகி வைரலாகி வருகிறது.