குஜராத் அகமதாபாத்தில் விமானம் விபத்து ஏற்பட்டதிலிருந்து விமானங்கள் பற்றிய தகவல்களும், விமான நிலையங்கள் குறித்த தகவல்களும் பரவி வருகிறது. அந்த வகையில் விமானத்தை இயக்கும் விமானியின் சம்பளம் எவ்வளவு என்பதை குறித்து இந்த பதிவில் பார்க்கலாம். பொதுவாக விமானி ஆக வேண்டும் என்றால் அதற்கு கல்வி தகுதி மட்டும் போதாது. அதற்கான கடினமான பயிற்சியை மேற்கொள்ள வேண்டும்.
ஏர் இந்தியாவின் போயிங் 787 ரக விமானத்தை இயக்கும் ஒரு விமானிக்கு மாதம் 8 முதல் 10 லட்சம் ரூபாய் வரை சம்பளம் வழங்கப்படுகிறது. இருப்பினும் விமானியின் அனுபவம், பயணம் செய்த நேரங்களில் எண்ணிக்கை, விமான நிறுவனம் ஆகியவற்றை வைத்து தான் சம்பளமும் நிர்ணயிக்கப்படுகிறது. விமானிகளுக்கு சலுகைகளும் வழங்கப்படுகிறது. கூடுதலாக விமானத்தை இயக்கினாலும் அதிக சம்பளம் வழங்கப்படுகிறது. விடுமுறை நாட்களில் பணியாற்றினாலும் அதிக சம்பளம் கொடுக்கப்படுகிறது.