மிலாது நபி மற்றும் ஓணம் பண்டிகையை முன்னிட்டு தமிழகத்தில் நாளை அரசு விடுமுறை அறிவிக்கப்பட்டுள்ளது. இதனால் அனைத்துப் பள்ளி, கல்லூரிகள் மற்றும் மாநில அரசு அலுவலகங்கள் இயங்காது எனத் தெரிவிக்கப்பட்டுள்ளது. அரசு விடுமுறை நாள்களில் மாணவர்களுக்குக் கல்வி நிறுவனங்கள் மற்றும் அலுவலகங்கள் வழக்கம் போல் விடுமுறை அளிக்க வேண்டும் என்பது குறிப்பிடத்தக்கது.
இதற்கிடையே, விடுமுறை நாள்களிலும் தனியார் பள்ளிகள் சிறப்பு வகுப்புகள் நடத்துவதாகப் புகார்கள் எழுந்துள்ளன. இதைக் கருத்தில் கொண்டு, நாளை எத்தகைய சிறப்பு வகுப்புகளையும் பள்ளிகள் நடத்தக் கூடாது எனப் பள்ளிக்கல்வித்துறை எச்சரிக்கை விடுத்துள்ளது. இந்த உத்தரவை மீறிச் செயல்படும் பள்ளிகள் மீது உரிய நடவடிக்கை எடுக்கப்படும் என்றும் எதிர்பார்க்கப்படுகிறது.