முதுமை என்பது ஓய்வெடுப்பதற்கான காலம் என்ற பொதுவான விதியை உடைத்தெறிந்து, ஆஸ்திரேலியாவில் 18,000 அடி உயரத்தில் இருந்து ஸ்கைடைவிங் செய்து அசத்தியுள்ளார் ஒரு இந்தியத் தாத்தா. அங்கித் என்ற இளைஞர் தனது இன்ஸ்டாகிராம் பக்கத்தில் பகிர்ந்துள்ள இந்த வீடியோ, தற்போது சமூக வலைதளங்களில் காட்டுத்தீயாய் பரவி மக்களின் இதயங்களைக் கவர்ந்து வருகிறது. விமானத்தில் ஏறுவதற்கு முன்பு, தங்களுக்குப் பயமாக இருக்கிறதா என்று கேட்டபோது, அவர் சற்றும் தயங்காமல் புன்னகைத்துக்கொண்டே, “எனக்குப் பயமா?” (தராதா குன் ஹை மெய்ன்?) என்று முழு நம்பிக்கையுடன் பதிலளித்த விதம் பார்ப்போரை வியப்பில் ஆழ்த்தியுள்ளது.
இது தாதாஜியின் முதல் ஸ்கைடைவிங் சாகசம் அல்ல என்பதுதான் இதில் கூடுதல் சுவாரசியம். இதற்கு முன்பே அவர் 15,000 அடி உயரத்தில் இருந்து குதித்து சாதனை படைத்த நிலையில், இந்த முறை தனது பேரனுடன் இணைந்து ஆஸ்திரேலியாவில் 18,000 அடி உயரத்திலிருந்து குதிக்க முடிவு செய்து, அதை வெற்றிகரமாகவும் முடித்துள்ளார். வானில் பறந்தபடியே அவர் மிகுந்த உற்சாகத்துடன் “ஜெய் ஹிந்த், ஜெய் பாரத், ஜெய் ஹரியானா” என்று முழக்கமிட்டது, அவரது தேசபக்தியையும் எல்லையற்ற ஆற்றலையும் பறைசாற்றுவதாக அமைந்தது.
https://www.instagram.com/reel/DaCO9jWzm0M/?utm_source=ig_embed&ig_rid=A0lL_pA9PcQSUG8eK8I0pZU
லட்சக்கணக்கான பார்வைகளைக் கடந்து வைரலாகி வரும் இந்த வீடியோவைக் கண்ட இணையவாசிகள், தாதாஜியின் தைரியத்தைப் பாராட்டி தங்களது கருத்துக்களைக் குவித்து வருகின்றனர். “தாதாஜியின் குரலில் ‘ஜெய் ஹிந்த்’ முழக்கத்தைக் கேட்டபோது சிலிர்த்துவிட்டது” என்றும், “வாழ்க்கையை எப்படி வாழ வேண்டும் என்பதை இந்தத் தாத்தாவைப் பார்த்துதான் கற்றுக்கொள்ள வேண்டும்” என்றும் நெட்டிசன்கள் நெகிழ்ச்சியோடு பதிவிட்டு வருகின்றனர். வயது என்பது வெறும் எண்தான் என்பதை நிரூபித்துள்ள தாதாஜியின் இந்த சாகசக் காணொளி, பலருக்கும் ஒரு சிறந்த உத்வேகமாக மாறியுள்ளது.