பெருமாநல்லூர் குமரன் குன்று பகுதியில் உள்ள ஒரு கோவிலின் சுற்றுச்சுவர் மற்றும் சில கட்டுமானங்கள் ஆக்கிரமிப்பில் இருப்பதாகக் கூறி, வருவாய்த்துறை மற்றும் வனத்துறையினர் முன்னிலையில் அகற்றப்பட்டன. இந்த நடவடிக்கையின் போது, அங்குள்ள சிவனடியார்கள் மற்றும் பக்தர்கள் கடும் எதிர்ப்பு தெரிவித்தனர். குறிப்பாக, பல ஆண்டுகளாகத் தாங்கள் வழிபட்டு வரும் இடத்தைச் சிதைப்பதாகக் கூறி, அங்கிருந்த முதியவர் ஒருவர் கண்ணீர் விட்டு அழுத காட்சிகள் சமூக வலைதளங்களில் வைரலாகிப் பெரும் சோகத்தை ஏற்படுத்தியது.
திருப்பூர் பெருமாநல்லூர் குமரன் குன்று கோவிலை இடித்த திமுக அரசு 💔
எங்களுக்கு தெய்வங்கள் குழந்தை போல ஐயாவின் அழுகை நெஞ்சை உலுக்குகிறது😢
திமுக நிச்சயம் அழியும் pic.twitter.com/OvcvtUBS0K
— Navin Chakaravarthy 🦇 (@navin_offl) January 7, 2026
இந்தச் சம்பவத்திற்குப் பல்வேறு இந்து அமைப்புகளும், அரசியல் கட்சியினரும் கண்டனம் தெரிவித்துள்ளனர். “தெய்வங்களைக் குழந்தையாகப் பாவிக்கும் பக்தர்களின் உணர்வுகளை அரசு மதிக்கவில்லை” எனப் போராட்டங்கள் முன்னெடுக்கப்பட்டன. “பக்தர்களின் அழுகை நெஞ்சை உலுக்குகிறது” என்ற வாசகத்துடன் இந்த வீடியோ பகிரப்பட்டு வருகிறது. அதே வேளையில், நீதிமன்ற உத்தரவின் படி ஆக்கிரமிப்புகளை அகற்றும் பணியே மேற்கொள்ளப்பட்டதாகத் தரப்பில் விளக்கம் அளிக்கப்பட்டுள்ளது. இருப்பினும், வழிபாட்டுத் தலங்கள் மீதான இத்தகைய நடவடிக்கைகள் தொடர்ந்து விவாதப் பொருளாகி வருகின்றன.